Məni bağışlama,
Yad bil özünə.
Çevirib üzünü,
Baxma heç zaman
Sənin həsrətindən
Yanan közümə.
Məni bağışlama.
Düşünmə heç vaxt.
Elə bil yox idim,
Var idim ancaq.
Küləklər üstümə
Əsir ,qoy əssin.
Qar ,boran səbrimi kəsir
Qoy kəssin.
Lap belə nəfəsim
Sənsiz tükənsin.
Yenə də sən məni,
Səni sevəni,
Sil getsin qəlbindən
Olub-keçəni.
Əzablar yoluma
Daş- kəsək qoysun.
Zəngli saatımla
Hər gün taleyim
Mənə” yatma ”deyə
Qadağa qoysun.
Məni bağışlama.
Mənə bağışla.
Ömrünü, gününü,
Gülən üzünü.
Sevincdən ulduza
Dönən gözünü.
Qoy baxsın uzaqdan
Sənə gözlərim.
Eybi yox yad olsun
Sənə sözlərim.
Təki sən özünü
Mənə bağışla.
Məni diri ölüyəm,
Barı sən yaşa.