Çevirdin üzünü, bu elə dərd ki,
Məhəbbət gumandan asılı qaldı.
Qat kəsmiş kağızda bir ürək sevgi,
Mənim əllərimdə uzalı qaldı.
Kim isə yumaqtək yığıb şübhəmi,
Deyəsən, eşqimin izinə düşdü.
Eh… qorxan gözlərə çöp düşən kimi
Ayrılıq vüsalın gözünə düşdü.
Çalındım həsrətin havalarıtək,
Bir eşqin haraylı tütəyində mən.
Torpağa çatmamış əriyən qartək,
Əridim vüsalın ətəyində mən.
Bir söylə, eşqini yazmı üşütdü
Boranın yerinə, çənin yerinə?
Ürəyin sinəndən itginmi düşdü?
Səni düşünürəm sənin yerin.
Mənə kim tanıtdı səni, bilmirəm?
Məni sən yanıltdın, səni bilmirəm.
1971