Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi, Azərbaycan Respublikası Elm və Təhsil Nazirliyi, Naxçıvan Dövlət Universiteti və Qərbi Azərbaycan İcmasının birgə təşkilatçılığı ilə keçirilən III “Qərbi Azərbaycana qayıdış” konqres-festivalında Azərbaycan Aşıqlar Birliyi də layiqincə təmsil olunub. Tədbir çərçivəsində Azərbaycan Aşıqlar Birliyinin sədri, Dövlət Mükafatı laureatı, Əməkdar elm xadimi, professor Məhərrəm Qasımlının müəllifi olduğu “Ozan-aşıq sənəti və ədəbiyyatı”, “Aşıq Ələsgərlə bağlı dastan-rəvayətlər” və “Qərbi Azərbaycan aşıqlarının dastan repertuarı” kitablarının təqdimatı keçirilib.
Naxçıvan Dövlət Universitetinin Elmi kitabxanasında keçirilən tədbiri giriş sözü ilə NDU-nun rektoru Elbrus İsayev açdıqdan sonra, müəllif – Əməkdar elm xadimi, professor Məhərrəm Qasımlı təqdim olunan kitablar haqqında ətaflı məlumat verib. Sonra Naxçıvan Müəllimlər İnstitutunun professoru, filologiya elmləri doktoru Yusif Səfərov, Naxçıvan Dövlət Universitetinin Azərbaycan Ədəbiyyatı kafedrasının dosenti, filologiya üzrə fəlsəfə doktoru Xanəli Kərimli və Naxçıvan Dövlət Universitetinin Azərbaycan Ədəbiyyatı kafedrasının dosenti, filologiya üzrə fəlsəfə doktoru Aypara Behbudova çıxış edərək M.Qasımlının Azərbaycan folklorşünaslığına verdiyi töhfələrdən söz açıb, təqdim olunan kitabların elmi ictimaiyyət üçün əhəmiyyətini vurğulayıblar.
Tədbirin sonunda bədii hissə olub, aşıqların ifasında müxtəlif saz havaları səsləndirilib.
Mənbə: https://azerab.az/i
Bir cavab yazın