Unudacaqsan
Mənə sevirəm desən də,
Getmə, səninəm desən də,
Gəl xəyala dalma sən,
Səni mən unudacağam,
Səni mən unudacağam!
Məni vəfasız sansan da
Hicran oduna yansan da
Yollarımız ayrıdır
Səni mən unudacağam,
Səni mən unudacağam!
Gözlərim yollarında,
Alışdım sənsizliyə.
Unutdum mən illəri
Dönməz olan günləri,
Amma yaman qorxuram
Fələk məni səsləyər,
Sənə vida deməmiş
Bitib ömrün, bəs deyə!
AĞLA GÖZLƏRİM
Çırpın ey ürəyim, ağla gözlərim,
Gözlərim, ağla sən, bulud tək ağla,
Ağrılar, acılar qəlbimi sökür,
O məğrur vicudum alçalır çökür.
Ağla sən, qəlbinin səsilə ağla
Dinləyib qəlbini yamanla- danla,
Ağla, sən, Leylinin səsilə ağla
Ağla sən, gözlərim, ölüncə ağla.
Qəlbinə dərd verər, incə ney səsi
Ağladar könlünü, sevgi naləsi
Leysan tək üzünə tökülən yaşlar,
Ömrünü gödəldər, ağarar saçlar.
Ağla sən, gözlərim ağla sən ağla,
Qaynayan bulaq ol, çağla sən çağla,
Gilələn yanaqda mirvari kimi,
Ağlayan könlümün dildarı kimi.
Yanırsan, ürəyim odsuz, ocaqsız
Bilirəm yanmağın, yaşamağındır.
Şam kimi əriyib, yanmırsa ürək
Yaşamır o ürək, yanmırsa demək.
Ağla sən gözlərim, ağla, sən ağla
Çağla leysan tək, çağla, sən çağla.