Azərbaycan Yazıçılar Birliyinin üzvü, Prezident təqaüdçüsü

Mənlə oynamaq olmaz.
Mən ən pinti,ən dəcəl
Ən qədirbilməz uşağın
üst-başını kirlədib,sürüm-sürüm sürüyüb
ta beşinci mərtəbədən palçıqlı yola tolazladığı oyuncağam.
Daha mənlə kimsə oynamaz,
oynaya bilməz mənlə daha kimsə…
Kimsənin nağılını bəzəyə bilmərəm daha.
Mən göydən yerə 3 alma yerinə
enməyi bacaran “oyuncağam”…
Daha mənim əynimi də dəyişsən,
Beynimi dəyişə bilməzsən.
Daha kimsənin xəyalını bəzəməz
Əlim,qolum,sarı gəlin hörüklərim.
Kimsənin nağılı olmaz bildiklərim.
Mən daha kimsənin oyuncağı ola bilmərəm.