Çiçəklərdən səni könlüm,
Dilər keçər, dərdin alım!
Xəyalın tez-tez yanımdan
Gülər küçər, dərdin alım!
Dağ başını aldı duman,
Körpə quzu anasından,
Azıb ayrı düşən zaman,
Mələr keçər, dərdin alım!
Demə: dünya bir qəfəsdi,
Mahnıların quru səsdi…
Eşq, sevda bir həvəsdi,
Gələr keçər, dərdin alım!
Bahar çağı, səhər erkən,
Göy çəməndə gəzəndə sən,
Bilirsənmi ürəyimdən,
Nələr keçər, dərdin alım?!
1943.