Azərbaycanın Mədəniyyət və Ədəbiyyat Portalının Baş redaktor müavini
Bütün çarələri tükətdim indi-
Təsliməm müddətlik çarəsizliyə.
Hər yaşam ölümə bir cür yenildi-
Necə söykənməyim həvəssizliyə?!
Kinsiz ürək tapsan,gətir, tuturam.
xəzanlar vuranda dərd ürəyimə.
Sevdiyim yağışa çətir tuturam-
sənə yaxşılığım…- sər, ürəyinə!
Dostluğun qılıncı zarafat imiş-
“Həqiqət” içində yerinə düşür.
Unutmaq ən böyük” xurafat” imiş-
Düşür, unutduğun yadına düşür.
“Yaşamaq yanmaqmış,yanasan gərək”
-Şairin misrası! Canın yanmasın!
Göyün məcrasından dan töküləcək
Gözlərin parlasın, kamın qalmasın.
Qırıb tullayacaq ruhun yapısın,
Əcəl gülə-gülə yerə enəcək.
Tanrı bağlayacaq gecə qapısın
Yolumuz əbədi göyə dönəcək.