“Gənc Ədiblər Məktəbi”nin müdavimi, Azərbaycan Yazıçılar Birliyinin (AYB) üzvü, Azərbaycan Respublikası Prezidenti təqaüd fondunun təqaüdçüsü, Azərbaycanın Mədəniyyət və Ədəbiyyat Portalının GƏNCƏ Bürosunun Rəhbəri.
Ürəyindən bərk yapış,
Sözünü tut, deyirəm…
Bu nə yükdü gözümdə?
Mən ki bulud deyiləm.
İşdi, ayrılıq gəlsə,
Unutmaram- qətidi.
Sevə bilmək insanın
Ən yaxşı cəhətidi.
Ürəksizəm-nəyim var,
Səndə qoyub getmişəm.
Gör mən sənə nə gözəl
Sevilmək öyrətmişəm.
Sabaha qədərdi bu günün ömrü,
Nolar, sıxılaram bu aralıqda.
Sonra kimsə gələr, ya nəsə olar,
Təzə həyatlar qurular
Köhnə xarabalıqda.
Hərə bir tərəfdən getsin,
Qoy bir az azaltsın məni.
Kimin əlindəyəmsə,
Lap uzağa atsın məni.
Geri qayıda bilməyim,
Mən özümü tanıyıram, İlahi,
Öldür içimdəki mərhəmətimi,
Diri qayıda bilməyim.
Bu nə ilkdi, nə də sondu,
Hələ ömür var qabaqda.
Axx, məni incidən nəsnə,
Axx, məni ağrıdan adam,
Bax daa!