Azərbaycan Yazıçılar Birliyinin üzvü, Azərbaycan Respublikasının Əməkdar mədəniyyət içisi, filologiya elmləri doktoru, professor, görkəmli şair, ədəbiyyatşünas.
Biz köçəndə bu dünyada
Qalacaqmı ömrün izi?
Var-dövlət yığmaqdan ötrü
Xərcləyirik ömrümüzü.
Niyə bu qədər hərisik
İnciyə, dürrə, altuna?
Dünya çox “mənəm” deyəni
Alıb dizinin altına.
Acılar yaddan silinir
Elə ki biz bal dadırıq.
Xırda-xuruş sevinclərlə
Özümüzü aldadırıq.
Ömrü güdaza veririk
Qurdalana-qurdalana.
Əriyirik, yox oluruq
Xırdalana-xırdalana…
06.04.2007