• Azərbaycan Yazıçılar Birliyinin üzvü

Baba, Şəhid məzarı nədir?

Müqəddəs pirimizdir,
Ziyarət yerimizdir,
Bayatı, şeirimizdir,
Bala, şəhid məzarı.

Orda igid uyuyur,
Əsgər, zabit uyuyur,
Ölməz bir ad uyuyur,
Ödur şəhid məzarı.

Bəzənibdir güllərlə,
Əlvan qızılgüllərlə,
Saysız qərənfillərlə,
Bala, şəhid məzarı.

Dur, saxlayaraq ayaq,
Lap yaxından tanıyaq,
Canlıdır – bunu duyaq,
Bala, şəhid məzarı.

Bu gündür, gələcəkdir,
Hamımıza örnəkdir,
Qəhrəmanlıq deməkdir,
Bala, şəhid məzarı.

Şairlərin sözüdür,
Həqiqətin özüdür,
Tariximin izidir,
Bala, şəhid məzarı.

Sözümü saxla yadda,
Torpaq qalammaz yadda,
Şanlı, ünvandı, addı,
Bala, şəhid məzarı.

14.01.2020.