Azərbaycanın Mədəniyyət və Ədəbiyyat Portalının Baş redaktor müavini
SƏNƏ HƏSRƏTİM
*
Səbrim tükənib…taqətim yoxdur,
Mübarizə üçün, qələbə üçün.
Bəlkə də sevgimin gözləri toxdur ,
Usanıb bəlkə də ağlamaq üçün.
*
Soyuqdur baxışın, nəvazişin də,
Üşüdür, nə qədər inad etsəm də.
Ərşə çəkilibdir hərarətin də,
Mən bunu sirr kimi hey gizləsəm də.
*
Aldadıb özümü yaşayıram mən,
Sənin varlığını duya bilməkçün.
Sevgini ömrümə CƏLLAD bilərəm
Tək sənin sevginlə ölə bilməkçün.
*
Sözlər sətir-sətir düzüldü yenə,
Sanki sinəm üstə mirvari təkdi.
Bu şeirim ərmağan yenə də sənə…
Sənsiz bu şeirim də sənə həsrətdir