“Gənc Ədiblər Məktəbi”nin müdavimi, Azərbaycan Yazıçılar Birliyinin (AYB) üzvü, Azərbaycan Respublikası Prezidenti təqaüd fondunun təqaüdçüsüAzərbaycanın Mədəniyyət və Ədəbiyyat Portalının GƏNCƏ Bürosunun Rəhbəri

Sən bircə məni unutma,
Qalan hər şey düzələr.

Keçib gedər aramızdan
Bu soyuq havalar da.
Bu ərköyün küsmələr
Bu şıltaq davalar da.

Sözlərim axşam tərəfi,
Sözlərim səhərdi mənim.
Niyə küskün dayanmısan?
Gözlərinin dərdi mənim.

Sən keçdiyin gündüzlərin
Gecəsi nurlu olar.
Eh. Məni də qınama,
Qadın qürurlu olar.

Yenə gülümsər saçlarım,
Barmaqların düzülər.
Sən bircə unutma məni,
Qalan hər şey düzələr.