“Gənc Ədiblər Məktəbi”nin müdavimi, AYB və AJB üzvü,
Prezident təqaüdçüsü, Gənclər müfakatçısı
***
Bir də qayıt, bir də gəl,
Bir də ölüm-itim mən…
Sonra yenə çıxıb get,
Kol dibində bitim mən.
Arada qırpım gözümü,
Döyüm kirpiklərimi.
Dilim qıymaz özümə,
Söyüm sevdiklərimi…
Aylar keçsin, öyrənim,
Çayı sənsiz içməyi.
Qaranquşa söyləyim,
Qəlbdən-qəlbə köçməyi.
“Gülmək” taxım üzümə,
Axı, güclü qadınam.
Öpüm yatım şəklini,
Yolun düşsün yuxuma.
Nolur, bir də qayıt gəl,
Bir də ayrılaq, bir də…
Sən boylanan sözlərə
“Şeirlərdi”-deyirlər…
* * *
Sifətim nərgiz rəngində…
Duruşum bənövşə kimi… ( Elməddin Nicat )
Hər bəxtin qara kitabı
Yarımçıq istəkdə deyil…
Tanrının mürəkkəb qabı
Bənövşəyi rəngdə deyil…
Duruşum,gülüşüm payız…
Sarı günüm… qara baxtım…
Köçdü baxışıma nərgiz
Getdiyin yollara baxdım…
Sən ey payızın adamı…
Arzuların pöhrə-pöhrə…
Qoy unutdursun adımı
Qucağındakı o körpə…
( köhnə şeirdi… )…….