Azərbaycanın Mədəniyyət və Ədəbiyyat Portalının Baş redaktor müavini
Yağışa baxıram… səni düşünüb,
Gör necə narındı, sakitcə yağır.
Hər damcısı göydən yerə ələnib
Necə gözəl bir mənzərə yaradır.
Əlimi açıram yağışa sarı,
Düşür ovucuma tər-tər damlalar,
Səni gətirəydi yanıma barı
Göydən yerə düşən narın damcılar.
İsladır üzümü yağan bu yağış,
Gözümün yaşı da qarışır ona.
Üzümdən sel gedir, iz naxış-naxış
Mən necə dayanım, de necə buna?!
Özümü nə qədər cilovlasam da,
Qəhər məni boğur, ağlayıram mən.
Nə bilim… niyəsini almasam da,
Səni hər damcı dan soruşuram mən.
Sakitcə seyr edim, səni, ey yağış,
Sən yağ, damcıların toxunsun mənə.
Yarımın ətrini səndən almamış,
Sən yağ, yanağını kəsmə, bəs etmə.
Sonayam, sevirəm mən səni yağış,
Saçımı isladır hər damcın sənin.
Bu gün mən susacam, sən məndən danış…
Qoy sənin gözünlə özümü görüm.