Tarix üzrə fəlsəfə doktoru, Azərbaycan Yazıçılar Birliyinin üzvü, Fərdi Prezident təqaüdçüsü, Azərbaycanın Mədəniyyət və Ədəbiyyat Portalının QARABAĞ Bürosunun Rəhbəri,
İşığın yoxluğudur
hər görünməz qaranlıq,
deyirəm ki, qapılma
qaranlığa bir anlıq!
Çəkilərsən içinə,
boğularsan dərində,
qalarsan ürəyinin
ən çıxılmaz yerində.
Bir nəfəs üfürərsən
dünyanın kor üzünə…
bu korluğa, karlığa
qorxarsan yoluxmaqdan,
biryolluq yox olmaqdan.
Boynu bükülü qalma
yorunca boğazını,
bir ipə keçirərsən
boğazından arzunu,
asarsan bir ağacdan,
Ağac Adam gətirər.
O qadağan olunmuş
ağacdan düşər Həvva,
düşər öz budağından
Yerdə yetişər Həvva,
ağac cənnətdə qalar.
Şəkli, boyu-buxunu,
ismi keçməz heç yerdə…
kökü cənnətdə qalar
onu görməz heç Yer də!
Bir az da düşünərsən: –
Burdan keçirmiş yolum!?
Dilini şirin eylə,
dünya zəhərdi, Balım!
Mənbə: https://edebiyyatqazeti.az/