Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidenti Təqaüd Fondunun təqaüdçüsü, Şahmar Əkbərzadə adına Beynəlxalq Ədəbiyyat mükafatı laureatı, “Kredo” qəzetinin Baş redaktoru, şair-publisist Əli Rza Xələflinin yeni – “Ruhun daşqını” adlı kitabı işıq üzü görüb.
AZƏRTAC xəbər verir ki, kitabın rəyçisi, filologiya elmləri doktoru Elçin Mehrəliyev, redaktor və “Ön söz” müəllifi, Azərbaycan Yazıçılar və Jurnalistlər Birliklərinin üzvü, filologiya üzrə fəlsəfə doktoru, “Respublika” gündəlik ictimai-siyasi, sosial-iqtisadi qəzetinin əməkdaşı Şəfəq Nasirdir.
Kitabda Əməkdar jurnalist Avdı Qoşqarın poetik yaradıcılığından bəhs edən ədəbi qeydlər, publisist düşüncələr, məqalələr toplanıb. Kitaba toplanan məqalələr ayrı-ayrı vaxtlarda yazılsa da, Avdı Qoşqarın poetik yaradıcılığı haqqında dolğun təsəvvür yaradır.
Qeyd edək ki, “Ruhun daşqını” yaxın günlərdə geniş ictimaiyyətə təqdim ediləcək.
Mənbə:https://azertag.az