Başımızın altına qoyub “atəşkəs” yastığı,
20 ildən çoxdu yutdular milləti.
Bəsdi daha bu qədər mışıl-mışıl yatdığın !
Daha oyanmaq vaxtıdı,bir qərar verək qəti!
Sülh deyə-deyə bizi qeyrətsiz edəcəklər,
Hakimiyyət naminə hər yola gedəcəklər.
Qarabağsız yaşamağa öyrəşdirirlər bizi,
Gündə bir şəhərcik salıb yerləşdirirlər bizi .
Bu saxta nəvazişə,qayğıya inanmayın!
Vəddən başqa nə veriblər?
Boş sözdü,inanmayın,
Qarabağı danışıqla geri qaytarmaq olmaz !
Erməni qarşısında bəsdi aciz göründük!
Bəsdi BMT-lərdə,ATƏT-lərdə süründük !
Onlar bizə torpaqmı alıb geri verəndi?!
Hamısı baş qatmaqdı,hamısı boş vədlərdi…
Gör nə qədər şəhid verdik biz bu 20 ildə,
Savaşsaydıq itkimiz heç bu qədər olmazdı !
Bəsdi vətən sevgisini bəyan eylədik dildə,
Əməldə sevənlərin sayı təəssüf ki,azdı…
Amma Mübariz kimi 100 igid olsa yetər,
Gedib hət da alarıq düz İrəvana qədər.