Azərbaycan Yazıçılar Birliyinin üzvü, Prezident mükafatçısı,
Azərbaycanın Mədəniyyət və Ədəbiyyat Portalının BAKI Bürosunun Rəhbəri
Hamıdan gizlətdiyim,
Yaralıdır ürəyim.
Gülüşümlə süfrə başında,
Üzərində pərdə çəkdiyim;
Dost-düşmən önündə,
Qəhqəhələrlə örtdüyüm
Ürəyim….
Hər kəsin dərdinə yanan,
Quşu öpən, ağaca sarılan,
Dənizlərə şeir qoşan,
Sahilə, quma qarışan
Ürəyim…
Mən boyda adamı
Qarışqa yuvası önünə,
Noğul qoyub sevindirən;
Sonra qorxan ki,
“Görən oldu, görən?..”
O məsum, o uşaq ürəyim,
Yumuşaq ürəyim…