Category: “Yeni nəşrlər”

Müəllifləri AMEA-nın Nəsimi adına Dilçilik İnstitutunun şöbə müdiri, Azərbaycan Respublikasının “Əməkdar jurnalist”i Qulu Məhərrəmlinin və Azərbaycan Jurnalistlər Birliyinin sədri, Azərbaycan Respublikasının “Əməkdar jurnalist”i Elçin Şıxlının olduğu “Jurnalistika terminləri lüğəti” 2016-cı ildə “Altun Kitab” Nəşriyyatı tərəfindən 300 səhifə həcmində, 300 tirajla işıq üzü görüb.Kitabın redaktoru Arif Əliyevdir.
Lüğət Azərbaycan Respublikası Nazirlər Kabineti yanın­da Terminologiya Komissi­yasında müzakirə olunmuş və nəşri məqsədəmüvafiq hesab edilmişdir (17 may 2016-cı il).

Gülnarə ŞÖHRƏDDİNQIZI,
“Möhtəşəm Azərbaycan” qəzeti

Orta dövr Azərbaycan ədəbiyyatının görkəmli nümayəndəsi, Azərbaycan-Türk dilini ilk dəfə olaraq, dövlət dili səviyyəsinə qaldıran hökmdar-şair Şah İsmayıl Xətainin “Seçilmiş əsərləri” 2016-cı ildə Bakı şəhərində “KitabKlubu” Nəşriyyatı tərəfindən 424 səhifə həcmində 100 tirajla işıq üzü görüb.
Azərbaycanın görkəmli dövlət xadimi Şah İsmayıl Xətai 38 illik həyatında vaxtının çoxunu dövlət işlərinə sərf etməsinə baxmayaraq zəngin və çoxcəhətli ədəbi bir irs yaratmışdır. O, həm əruz, həm də heca vəznində, həm epik, həm də lirik janrlarda gözəl əsərlər yaratmış, yaddaqalan, nümunə, örnək ola bilən əsərləri ilə Azərbaycan ədəbiyyatını zənginləşdirmişdir.
Kitaba onun səmimi, ürəkdən qopub gələn poeziyasından seçmələr daxil etmişik.

Gülnarə ŞÖHRƏDDİNQIZI,
“Möhtəşəm Azərbaycan” qəzeti

Azərbaycan Respublikası Mədəniyyət və Turizm Nazirliyi ilə Azərbaycan Yazıçılar Birliyinin birgə layihəsi olan “Gənc Ədiblər Məktəbi2″nin müdavimi, DGTYB Yönətim Kurulunun üzvü, Prezident təqaüdçüsü Ruslan Dost Əlinin “ruslan dostumun kitabı” kitabı işıq üzü görüb. Kitab müəllifin oxucularla ilk görüşüdür.Kitaba müəllifin son illərdə qələmə aldığı şeirləri toplanıb.

Şəfa VƏLİYEVA,
Azərbaycanın Mədəniyyət və Ədəbiyyat Portalının Baş məsləhətçisi,
AYB və DGTYB üzvü, Prezident təqaüdçüsü, Gənclər mükafatçısı

Azərbaycan Milli Elmlər Akademiyasının (AMEA) Nizami adına Ədəbiyyat İnstitutunda filologiya elmləri doktoru Mahirə Quliyevanın “Aşıq yaradıcılığı və dastanlar Şərq poetikası və İslami dəyərlər baxımından” kitabı nəşr olunub.

İnstitutdan AZƏRTAC-a bildiriblər ki, kitabın elmi məsləhətçisi professor Məhərrəm Qasımlı, redaktoru professor Qəzənfər Paşayev, rəyçiləri filologiya elmləri doktoru Nəsib Göyüşov və filologiya üzrə fəlsəfə doktoru Səadət Şıxıyevadır.

“Elm və təhsil” nəşriyyatında çap olunan kitabda klassik aşıq yaradıcılığı, dastanlar Şərq poetikası və İslami dəyərlər baxımından təhlil edilir. Aşıq şerinin ənənəvi cəhətləri fərqli yönlərdən elmi ədəbiyyatda geniş işıqlandırılsa da, bu mövzu Şərq poetikası müstəvisində ilk dəfə araşdırılır.

Əsərdə həm də Quran və İslam dəyərlərinin aşıq şerində və dastanlarda inkişafına, eyni zamanda, aşıq şerində işlədilən və bu günədək tədqiqat obyekti olmayan bir sıra nadir Şərq poetik qəliblərinin tədqiqinə diqqət göstərilib.

Mənbə: http://www.azertag.az

Yeni nəsil Azərbaycan gəncliyinin istedadlı nümayəndəsi, DGTYB üzvü, gənc yazar Allahşükür Ağanın “Quşlara, Buludlara, Uşaqlara” adlı yeni şeirlər kitabı 2016-cı ildə Bakı şəhərində “Elm və təhsil” nəşriyyatı tərəfindən 108 səhifə həcmində, 500 tirajla işıq üzü görüb. Kitabın redaktoru və ön sözün müəllifi Azərbaycan Yazıçılar Birliyi İdarə heyətinin üzvü, “Azərbaycan” jurnalının poeziya şöbəsinin müdiri, Qəşəm Nəcəfzadədir.
Kitab müəllifin oxucular ilə sayca üçüncü görüşüdür.Kitaba müəllifin son illərdə qələmə aldığı şeirləri daxil edilib.Geniş oxucu auditoriyası üçün nəzərdə tutulub.Oxucuların rəğbətini qazanacağını ümid edirik.
Müəllifin həmin kitabına toplanan şeirlərində təbiət və cəmiyyətdə baş verən hadisələr poetik bir dillə ifadə olunur. Şeirlərinin əsas ideyası cəmiyyətin təbiətə inteqrasiya cəhdidir. Artıq buna ehtiyac yaranıb. Sevgi də təbiətə köçür. Duyğular saflaşır.

Gülnarə ŞÖHRƏDDİNQIZI,
“Möhtəşəm Azərbaycan” qəzeti

Azərbaycan Yazıçılar Birliyi tərəfindən həyata keçirilən “aybkitab” kitab layihəsi çərçivəsində “Qazax mahalının şairləri” almanaxı işıq üzü görüb.Layihənin rəhbəri və müəllifi Azərbaycan Yazıçılar Birliyinin Mətbuat xidmətinin rəhbəri, Gənclər Şurasının sədr müavini, şair-publisist Xəyal Rzadır. “Qazax mahalının şairləri” almanaxının təqdimat mərasimi keçirilib.
Kitabda Azərbaycan Yazıçılar Birliyinin üzvü olan 25 yazarın şeirləri toplanıb.Bu yazarlar Qazax, Ağstafa və Tovuzda yaşayıb, bədii yaradıcılıq fəaliyyəti ilə məşğul olan yazarlardı.

Rüfət AXUNDLU,
Azərbaycanın Mədəniyyət və Ədəbiyyat Portalının Gəncəbasar bölməsi üzrə xüsusi müxbiri,
Qazax rayonu

Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, “İctimaiyyət və təhsil” qəzetinin təsisçisi və baş, “Qızıl qələm” media mükafatı laureatı, şairə-jurnalist Mayisə Əsədullaqızının “Torpaqdan Günəşə…” kitabı Bakı şəhərində “Gənclik” nəşriyyatı tərəfindən 192 səhifə həcmində, 300 tirajla çap olunub.
Kitabın redaktoru Prezident təqaüdçüsü, “Tərəqqi” medalı təltifçisi, Azərbaycan Yazıçılar Birliyinin üzvü, “Azərbaycan” jurnalının məsul katibi Tofiq Mahmudov, baş məsləhətçi Prezident təqaüdçüsü, Azərbaycan Yazıçılar Birliyinin üzvü Hikmət Məlikzadə, ön sözün müəllifi, Pespublikanın Əməkdar Mədəniyyət işçisi, Azərbaycan Dövlət Mədəniyyət və İncəsənət Universitetinin baş müəllimi, “Gənclik” nəşriyyatının direktoru Adil Abdullayevdir.
Kitab müəllifin oxucularla sayca üçüncü görüşüdür.Kitabda müəllifin son illərdə qələmə aldığı şeirləri toplanıb.Geniş oxucu auditoriyası üçün nəzərdə tutulub.Ədəbiyyatsevərlərin rəğbətini qazanacağına ümid edirik.

Gülnarə ŞÖHRƏDDİNQIZI,
“Möhtəşəm Azərbaycan” qəzeti