Blog

Zeynəb DƏRBƏNDLİ.”Qarabağım küsüb bizdən”

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının
“Cənubi Qafqaz Xalqları üzrə xüsusi müxbir”i, Azərbaycan Yazıçılar Birliyinin üzvü

Bulaqların susub axmır
Günəşin küsübdür çıxmır.
Xarı bülbül bizə baxmır
Qarabağım küsüb bizdən.

Yolu daşlı kəsəklidir
Dağı qarlı küləklidir.
Özü insan ürəklidir
Qarabğım küsüb bizdən.

Neçə ildir yol gözləyir
Yadlar onu əzizləyir.
Yolu həsrətdən sızlayır
Qarabağım küsüb bizdən.

Divarları qan qoxlayır
Dərdi adamı oxlayır.
Durub igid soraqlayır
Qarabağım küsüb bizdən.

Zeynəbəm, canım göynəyir
Dərdim öz içimi yeyir.
Yurdum ədalət istəyir.
Qarabağım küsüb bizdən.

04 Sentyabr 2015
Günel ƏJDƏRQIZI.”Məhv olmuş arzular” (Hekayə)

Toy günü yaxınlaşırdı. Fədayənin sevincinin həddi – hüdudu yox idi. Ağ gəlinlik donunu geyinib vüsalına qovuşacaqdı. Ömrünün sonuna kimi sevdiyi adamın həyat yoldaşı olacaqdı. Fədayə Yalçının uşaqlıq sevgisi idi. Ali məktəbə eyni ildə daxil olmuş, birinci kursu qurtarandan sonra ailə daxilində kiçik yığıncaq edərək üzük taxmışdılar. Qərara gəlmişdilər ki, ali məktəbi qurtarandan sonra toy etsinlər. Vətən qarşısında borcunu verməkdən ötrü Yalçın əsgərliyə getmiş, toyun vaxtı bir az da uzanmışdı. Fədayə hər gecə tanrı dərgahına əl açaraq Yalçını qoruması üçün allaha yalvarmışdı. Axı müharibə gedirdi. Elə bir gün olmurdu ki, televiziyada kiminsə həlak olması haqqında xəbər verilməsin. Qonşu kəndlərdən düşmənlərin atdığı güllələrin səsləri açıq-aydın eşidilirdi. Yalçın hərbi xidməti başa vurub sağ-salamat evlərinə qayıtmışdı. Toyun vaxtı yaxınlaşdıqca Fədayənın həyacanı da artırdı. Hər gecə xəyallar qurur, arzularla yatırdı. İki gün öncə gəlinlik paltarını da seçib bəyənmişdi. Ağ gəlinlik paltarında özünü şahzadə kimi hiss edirdi. Paltarın yaraşıb-yaraşmadığını yoxlamaq üçün əyninə geyinəndə qəfil Yalçın oraya gəlmiş, onu gəlinlik paltarında görmüşdü. Fədayə uşaqlığdan eşitmişdi ki, bəyin toydan əvvəl gəlini toy paltarında görməsi pis əlamətdir. Guya bədbəxtlik gətirir. Fədayə bütün bunlara inanmasa da, ürəyində qorxu hissləri vardı.
(daha&helliip;)

04 Sentyabr 2015
Abdulla MƏMMƏD.Yeni şeirlər

Qara saçlarında qar olacağam

Bir zaman gələcək peşimançıliq,
Sənin ürəyini qübar edəcək.
Onda məni gəzib-arayacaqsan,
Yollar ayagını qabar edəcək.

Mən isə gileyli gilavar olub,
Siğal çəkəcəyəm telinə sənin.
Bu günlər vədəsiz ötən qatar tək,
Çətin ki qayida əlinə sənin. (daha&helliip;)

04 Sentyabr 2015
Düşünməyə dəyər və ya bilirsinizmi?

4 tip insan var:
1. Kişi və qadın adına ləkə gətirən “yanıqlar”-salam verən kimi özlərini dərhal sırımaq istəyən sadəlövh ovçulardır, dərhal birbaşa mətləbə keçirlər və moment yapışqanı kimi yapışırlar (60%);
2. Ağıllı və dostluğunu qazananlar və zamanla yananlar – öncə salam verir, sonra dost olur, guya dost adıyla zamanla ünsiyyətdə olurlar, sonra guya bağlanırlar, guya xoşlanırlar səndən və sonra zamanla yanırlar və minnətlə ayrılırlar (20%);
3. Geylər və lesbilər – kişi və qadınlardan (1-ci və 2-ci kateqoriyaya aid olanların qurbanına çevrilənlər) üz döndərənlər, elə öz cinsindən olanlara meyl edirlər və dostluğunda möhkəmdirlər və təhlükəli deyillər (10%);
4. Nəsli kəsilməkdə olan əsl kişi və əsl qadınlar – sözün əsl mənasında dost və insandırlar və heç bir məqsəd güdmürlər və əxlaqsız niyyətləri olmur, əsl bacı və qardaşların, ya da ən səmimi və yaxın dostların olurlar, ətrafımda ancaq bu cür dostları saxlamaq qərarına gəlmişəm (10%).

4 psixoloji insan temperament tipi var, Azərbaycanda o tip insanlar:
Sanqvinik-hər kəsdən özünü üstün sayır, guya hamıdan çox bilir və boş-boş danışmaqdan savayı, əlindən birşey gəlmir, xülyasında hamını idarə etməkdir.
Xolerik-Hamını səhv və borclu çıxardır, tez-tez və hər mövzuda dava edir, mübahisə edir, qan çıxmayan yeri o qədər qaşıyır ki, qan çıxardır.Daha çox mentalitet və “mənəvi dəyərləri” guya qoruyub saxlamaq istəyir
Fleqmatik-Hər şeydən və hər kəsdən şübhələnir, özü qərar verə bilmir, özü ilk addımı atmır, gözləyir ki, kimsə önə gedib, addım atsın, önə gedəni müşahidə edir, güdür, təhlil edir, səhv axtarır, nöqsan tutur, sonda bir nəticə əldə etmir, səmərəsiz işlə məşğuldur, həm də özü bir şey etmir deyə, vaxtını düzgün idarə etmir deyə, maddi və mənəvi qazanc əldə etmir və əldə edənləri də şərləyir.
Melanxolik-O qədər pessimist və ruh düşgünlüyü içində yaşayan insan olur ki, səbəb oldu-olmadı, inciməli, intihara əl atmalıdır, çox zəif və iradəsiz insandır. İdarə edilmək və səhvlərə görə məsuliyyəti özgələrinin boynuna atmaq istəyir.

Şərq və qərb – üz üzə:

Şərq (Məşriq)-günçıxan, yəni günəşin çıxdığı, başlanğıc olan yerdir… Mədəniyyət, ədəbiyyat, incəsənət, tarixi keçmişimiz, insaniyyət, mənəvi dəyərlər şərqdən başlamışdır, günəş çıxdığı məkandan, şərq olan yerdə həmişə fəlsəfə, beyin açıqlığı, məntiq və s. olmuşdur, yaradıcılıq olan yerdə yaratmaq var, gözəllik, sevgi, səmimilik, təbiilik vardır. Nə işə başlasa, şərq əhli işıq saçar, maarifləndirər, gözəlləşdirər, zənginləşdirər.

Qərb (Məğrib, Qürub) – günbatan deməkdir, qaranlıq çökən yerdir… Şərqdən qərbə günəş gedən kimi digər amillər, obyekt və subyektlər də, şərqdə nə varsa, qərbə keçmişdir… Qərb dağıdır, qərb də batır hər şey, qərbli hara gedirsə, oranı məhv edir, qaranlığa qərq edir, iqtisadi böhranlar da qərbdən başlamışdır çox vaxt…

Qanuni zəruriyyət

Nigah müqaviləsi icbari olandan sonra məncə Dostluq müqaviləsini də icbari şəkildə tərtib və tətbiq edilməsini qanuniləşdirmək zəruridir, əks halda, iki və ya daha artıq tərəflər dostluq edirlər, müqaviləsiz olduğundan ürək istəyəni edirlər, Qılınc müsəlmanıq, müqavilə olsa, hər bir tərəf öz məsuliyyətini anlayar və müqavilə şərtlərini pozmaz ki, inzibati qaydada cəzalandırılmasın…

Günel Fərhadqızı Emin

04 Sentyabr 2015
“Azərbaycanlı olmaq nə deməkdir?” III hissə

• Korporativ emaildən, iş telefonundan saatlarla şəxsi söhbətləri etmək üçün, qeybət əlaqə vasitəsi kimi istifadə etməkdir;
• OTKAT-ın hər gün mükəmməlləşmiş və qeyri-adi, mürəkkəb mexanimzləri üzərində düşünmək, axtarmaq və tapmaqdır;
• Şəbəkə marketinqi və digər maliyyə dələduzları, maliyyə piramidalarına yalan vədlər müqabilində iri məbləğlərdə pul qoymaq və sonra aldadıldığını anlamaq və pulunu geri qaytarmağı istəməkdir;
• Evdəki qız müəyyən yaşa çatdıqda, ailə qurmayanda, ailədə müəyyən problemlər olduqda, molla yanına gedib dua yazdırmaq, o duanı özünlə daşımaq, insan aıdını daşıyan pirlərə gedib, insanları Allaha bərabər tutmaq, ölmüş insanlara dua etmək və arzularının gerçəkləşməsini istəmək, falçılara inanmaq və onlara külli miqdarda pul vermək, müsbət nəticəsinin olacağı ümidiylə aldadılmaqdır.
• Yüksək səviyyədə beynəlxalq tədbirlərdə qanunla qadağan edilmiş ikili vətəndaşlıq və off-shore zonaları təbliğ və reklam etməkdir, ölkə qanunvericiliyinə zidd getmək və vergidən yayınmanı stimullaşdırmaqdır;
• Tez-tez ictimai panikaya qapılıb, milli iqtisadiyyata zərər vurmaq, devalvasiya və inflyasiyanın yaranmasına və inkişafına, digər xoşagəlməz iqtisadi risklərin formalaşmasına şərait yaratmaqdır;
• Məşhur olmaq və gündəmdə qalmaq üçün gündəlik özünü qara pr etmək, xoşagəlməz şaiyə və xəbərlərin yayılmasını təmin etmək və sonra onun təkzib edilməsini tələb etmək və qarşı tərəfi məhkəməyə verməklə, kosmik məbləğdə mənəvi və maddi təzminat tələb etməkdir;
• Yerli, yersiz hamıya məsləhət vermək, digərlərinin həyatına, arzu və seçimlərinə müdaxilə etmək, onlara hörmət etməməkdir.
• Xarici səyahət və ya məzuniyyətini xaricdə keçirtmək (14 günlük istirahət üçün) bankdan istehlak və ya səyahət kreditini götürüb, ilin 11 ayını o krediti hər ay ödəməkdir.
• Uşaq telekanallarının olmaması və uşaq verilişlərinin olmaması və uşaqlar üçün yerli, maarifləndirici cizgi filmlərinin olmaması səbəbini göstərərək, uşaqlarımıza digər ziyanlı verilişlərə, seriallara baxmasına, komputer oyunlarına meyl etməsini dəstəkləməkdir.

Günel Fərhadqızı Emin

04 Sentyabr 2015
Şafa KAMİLLİ.”Ömrümün payiz fəslidi…”

Arzularım düşür gözümdən,
Hər gün solub düşən yarpaqlar təki,
Xəzan olmuş bu ömrümün
Saralmis solmus arzuları
Ömrümün payiz fəslidi
Gedib ömrümdən, bitir baharım
Qarşımda soyuğum, sazağım
Qarlı qışım
Donmuş ,solmuş, buz bağlamış
Arzularım…
Ömrümün payız fəslidi
Saralıb, solmuş,
Yerə düşmüş
Torpağa qarışmış yarpaqlar kimi…
Vida vaxtı, vida zamanı,
Ömrümdən bitən,
Tükənən arzularım…
Köçəri quşlar tək uçub getdi…
Ömrüm…
Yalnız, yarpaqsız, tək tənha ağac kimidi…
Bitib artıq ,
Qarşısında soyuq sazaq…
Dözəcəkmi ömrüm qışa?!
Bu payızda bitəcəkmi?!
Bilmək olmaz…
Allah bilir.
O Allah yaxın gedər
Ömrümün payız fəslidi…

02.09.2015

04 Sentyabr 2015
Şəfaqət CAVANŞİRLİ.”Sevginin gözləri” romanının VII hissəsi

Səfərin ona baxmaqdan danışmayacağını görən Fidan səssizliyi özü pozdu:
– Necəsən Səfər?
– Səni tapdım yaxşı. Burda işləyirsən?
– Demək olar. Daha doğrusu, anamın yerinə gəlmişəm. Üstünə sağlıq, bir az xəstələnibdir.
Əlövsət mətbəxə girdi.
– Deyəsən bir-birinizi tanıyırsız?
Səfər Fidandan əvvəl cavab Verdi:
– Biz bir yerdə böyümüşük. İşdən nə vaxt çıxırsan?
Fidan – Axşam çıxacam.

Əlövsət Səfərin Fidana olan baxışlarından ona qarşı biganə olmadığını hiss etdi:
– Bugün çox iş yoxdur Fidan. Günorta gedərsən. İndi bizə iki fincan kofe hazırlayarsan.
Səfər Əlövsətlə mətbəxdən çıxdi, fikri Fidanın yanında qalmışdı. Tez-tez geri boylanırdı, Fidan da qapı arxasından ona baxırdı. Səfər Əlövsətə açıb hər şeyi – Fidanın illərcə sevdiyi qız olduğunu, evlənmək istədiyini söylədi. Əlövsət təəccüblənmişdi;
– Anan razı deyil deyirsən. Bəs atan? İcra başçısının oğlu adi bir xadimənin qızıyla evləndi deyəcəklər.
– Mənim xoşbəxtliyim adi bir xadimə qızının əlindədirsə, deyilənlər boş və mənasızdır. Pul qarın doyuzdurur, sevgi yaratmır.
(daha&helliip;)

04 Sentyabr 2015
Yalçın YÜCEL.”BİR GURURDUR ÇANAKKALE”

Tarih
Bir kez daha açtı kapısını
Sayfalara doluverdi Mehmetçik
Büyüdü, çok daha yüreği
Öyle bir kahramanlıktı ki bu
Anadolu
Boşalıverdi sanki
Birdenbire Çanakkale’ye
Nasıl bir inançtı ki
Göğüslerini siper ettiler
Hem de hiç korku duymadan
Yağmur olup yağsa da mermiler
Belki açtılar, susuz da
Yırtık postallar üşütse de
Vatan sevgisi ısıttı içlerini
El ele koştular, ölümün üstüne üstüne
Topraksa acıyla inledi tüm bunlara
Yüceltti sesini
Duymadı vahşet
Duymadı kin
Madene dönüştü
O güzelim yeşil birden
Ve akıp gitti
Kan kırmızı
Öldüler
Hem de binlercesi
Geleceğe
Özgür bir yaşam bırakarak.

04 Sentyabr 2015
Harika UFUK.”Allah’tan başka yar yok”

Azerbaycanın Kültür ve Edebiyat Portalının Türkiye temssilcisi

İnançsız sevginin, aşkın adı yok,
Allah’tan başka yar bulamazsın ki…
İmansız hayatın hiçbir tadı yok,
Allah’tan başka yar bulamazsın ki…

Etrafa alıcı gözlerle bakın,
Dünyada kimin var Allah’tan yakın,
Arama bir başka sevgili sakın,
Allah’tan başka yar bulamazsın ki…

İstersen epeyce yaklaş Maçin’e,
Dilersen uzaklaş hatta git Çin’e,
Tavsiyem önce bak kendi içine,
Allah’tan başka yar bulamazsın ki…

Geçici sevdayı aşk sanmayasın,
Dünya nimetine hiç kanmayasın.
Dünyevi zevkleri çok anmayasın,
Allah’tan başka yar bulamazsın ki…

Bir gün değil, her gün aşkın günüdür,
Harika sohbetin, meşkin günüdür,
Cennette kurulan köşkün günüdür,
Allah’tan başka yar bulamazsın ki…

Adana.14.02.2014 Saat: 09.45

04 Sentyabr 2015
İlkin ABBAS.”Qoruya bilmədik bu məhəbbəti”

Günah nə səndədir, nə də ki məndə,
Yazan belə yazıb demək qisməti.
Yaşada bilmədik ruhu bədəndə,
Qoruya bilmədik bu məhəbbəti.

Bu eşq dastan olub dillərə düşdü,
Adım Məcnunsayaq çöllərə düşdü,
Saf eşqim çaylara, sellərə düşdü,
Qoruya bilmədik bu məhəbbəti.

Səninlə bu yolu bir keçsək belə,
Sevinci, kədəri bir ölçsək belə,
Onu qorumağa and içsək belə,
Qoruya bilmədik bu məhəbbəti.

Yalanlar geyindi həqiqət donu,
Nə ilki bilindi, nə də ki sonu,
“Əlvida” sözünə sığdırdıq onu,
Qoruya bilmədik bu məhəbbəti.

Düşdü tellərimə dən ağlamaqdan,
Oldum yağışlara tən ağlamaqdan,
Tutdu gözlərimi çən ağlamaqdan,
Qoruya bilmədik bu məhəbbəti.

Yaşadım içimdə mən yana-yana,
O ötən günləri hey ana-ana,
Müqəddəs bir sevgi yetişdi sona,
Qoruya bilmədik bu məhəbbəti,
Qoruya bilmədik bu məhəbbəti…!

04 Sentyabr 2015
Mirzə TƏRXAN.”Mənə şikəst demə dostum!”

Mənə şikəst demə, dostum!
Nə olsun ki,yoxdu əlim
Əlim yoxdu imanım var,
Əqidəm var vicdanım var.

Mənə şikəst demə dostum!
Gözsüzdə görə bilirəm,
Mənim gözdən günahlarım,
Yoxdu,bunuda bilirəm.

Mənə şikəst demə dostum!
Kar deyiləm,eşidirəm!
Amma qeybət eşitmirəm,
Artıq söhbət eşidmirəm.

Mənə şikəst demə dostum!
Dilim var ağzımda amma,
Soldakı mələkdən qorxur,
Yalan söyləməkdən qorxur.

Mən şikəst deyiləm dostum!
Ayib deyil, Qusurluyam,
Rəbbim bilir, hüzurluyam.
Məndə Allahın quluyam.
Mənə şikəst demə dostum.!

04 Sentyabr 2015
Doğrudanmı səhiyyə birinci dərəcəli məsələdir(?!)

“Səhiyyə bizim üçün əziz, qiymətli sahədir”
(Heydər Əliyev)

“İnsanların sağlamlığı bizim üçün birinci dərəcəli məsələdir”
(İlham Əliyev)

Vəziyyətlə əlaqəli yolum uşaq poliklinkasına düşdüyündən Ulu öndər Heydər Əliyevin və bu gün dövləti idarə edən Prezdent İlham Əliyevin səhiyyə haqqında dediyi yuxarıdakı fikirləri lövhədən oxudum. Görəsən səhiyyə haqqında söylənmiş xoşməramlı fikirlər bu günümüzlə uzlaşırmı? Sözsüz ki, bu fikirlərin müəllifləri Azərbaycanın birinci şəxsiyyətləri sayılır. O şəxsiyyət ki, zamanında öz müstəqilliyini yenidən bərpa etmiş Azərbaycanı kənar qüvvələrin dağıtmaq istəyindən xilas edən” Azərbaycanın müstəqilliyi əbədidir!- şuarı ilə çıxış edən Heydər Əliyevə təhfil verilmişdir. Prezdent olduğu müddətcə Azərbaycanı yenidən qurub- yaradan Heydər Əliyev özündən sonra dəyərli fikirlərini bu gün dövləti idarə edən Prezdent İlham Əliyevə və xalqına miras qoymuşdur. Lövhədə səhiyyə haqqında yazılmış şuarda qeyd edildiyi kimi ölkə Prezdenti İlham Əliyev atasının fikirlərini daha da qabardaraq, dahiyanə şəkildə səhiyyə haqqında fikirlərin dəyişmədiyini önə çəkmişdir. Bəs bu gün Azərbaycan səhiyyəsi söylənən arqumentlər əsasında özünü doğrulda bilirmi??? Əlbəttə qeyd edə bilərəm ki, müstəqil hesab edilən dövlət öz siyasəti ilə başqa dövlətlərdən seçilməsi üçün onun təhsili, səhiyyəsi mədəniyyəti, mətbuatı azad olmalıdır. (dırnaq arası yox) Başqa sahələr bir kənara səhiyyədə nələrin baş verdiyinə diqqət edək. Görəsən, Azərbaycan səhiyyəsi cəmiyyətin sağlamlığı üçün nələr edir? Bu sualın cavabını vermək üçün Azərbaycanda ixtisaslı kadrlar zəruridir. Əfsuslar olsun ki, Azərbaycan təhsil sahəsində irəli getmədiyindən zaman-zaman bu göstəricilərə nail ola bilmirik. Bu gün birmənalı şəkildə deyərdim ki, öz peşəsini sevən yeni savadlı kadrlar yox dərəcəsindədir. Təəssüf ki, yaxın vaxtlarda hansı qanuna əsasən yaş məhdudiyyəti qoyularaq həkimləri və müəllimləri birbaşa təqaüdə göndərilməsi də xalq tərəfindən birmənalı qarşılanmadı. Bu gün cəmiyyətin səriştəli kadrlara çox ehtiyacı var. Çünki yeni gələn kadrlar praktik cəhətdən çox zəifdirlər. Əksəriyyətini də rüşvət, xəstəni vardan-yoxdan çıxarmaq düşündürür. Bəzən heç həkimləri də qınamaq olmur. Onlar hansı məvacibi alır ki, gözlərini xəstələrin cibindən yığsın? Bu gün demək olar ki, həkimləri və müəllimləri xalq dolandırır. Məvacib deyilən bir zat onların cibinə normal məbləğ şəklində girmiş olsaydı əlbəttə xəstələr bu gün əziyyət çəkməzdilər. Kimdir MÜQƏSSİR??? Bu salın cavabı isə birmənalıdır. (daha&helliip;)

04 Sentyabr 2015
Solmaz Əliqızı Şeirləri

VAXTSIZ ƏCƏL

Vaxtsız əcəl,

gəl tez döymə qapımı,

İlahi rəbbimdən qüvvət almışam.

Sərt qışa döndərmə xoş baharımı,

Yaşamaq eşqiylə alovlanmışam.

Onsuz da qısadır ömür payımız,

Qocanı,cavanı seçməyir əcəl.

Torpaqda daş məzar son bir payımız,

Bizi addım-addım izləyir əcəl.

Həyatın qaydası,qanunu budur,

Bir gün getməlidir,yaranan hər kəs.

Mənimsə tanrıya sualım budur,

Vaxtsız əcəl niyə tələskəndi bəs?

04.03.2013

Tanrım uzun etsin onun ömrünü

Ana ən müqəddəs, ən ülvi varlıq,

Həmişə o ada biz borclu qaldıq.

Hər bir övladına o verər saflıq,

Ana öyüdündən biz ibrət aldıq.

Anamız yoxdursa, biz də olmarıq,

Sanki qəlblərimiz qoparar fəryad.

Kükrəyən sel kimi aşıb, daşarıq,

Qanadsız bir quşa bənzəyər həyat.

Ana övladına hər cür yaraşıq,

Hər bir ana görsün övlad toyunu.

Analar adına dastan yaz, aşıq,

Qoy bütün analar dinləsin onu.

Ana kainatın bər-bəzəyidir,

Analar eşqinə yanaq, alışaq.

Yazan könüllərin şah əsəridir,

Ona nəğmə deyək, ona söz qoşaq.

Anadan yazmaqla qurtarmaz, bilək,

Gəlin uca tutaq ana sözünü.

Onun varlığına sevinək, gülək,

Tanrım uzun etsin onun ömrünü.

YAZIĞIM GƏLİR

İlin hər bir fəsli,gərdişi gözəl,

Həm payızı gözəl,həm yazı gözəl.

Bu gözəl dünyada alışıb sönən,

Nakam məhəbbətə yazığım gəlir.

Dünyaya gəlmişik sevinmək üçün,

Həm sevilmək üçün,həm sevmək üçün.

Həyatda,sənətdə iz qoymaq üçün,

İzi olmayana yazığım gəlir.

Fani dünyamızın sonu ölümlü,

İnsan kainata gəldi-gedimli.

Məxluq tanıyıram mələk biçimli,

Şeytan sifətlərə yazığım gəlir.

Sevməyi öyrəndik Leyli-Məcnundan,

Biz çıxdıq həyatın çox sınağından.

Bir iyrənc qadının səhvi ucundan,

Atılmış körpəyə yazığım gəlir.

Cahanda əyrilik həddini aşıb,

Yaxşılar azalıb,pislər çoxalıb.

Ömür yollarında düz yolu çaşıb,

Əyri yol gedənə yazığım gəlir.

Solmaz Elqızıyam,coşub cağlayan,

Namusla,qeyrətlə qoşa yoğrulan.

Bu fani dünyada əbədi solan,

İNSANAM,İNSANA YAZIĞIM GƏLİR!!!

20.06.2007

04 Sentyabr 2015
Müsavat.com saytının Adnan Oktarla bağlı saxtakarlığı (FOTO)

3 sentyabr, 2015-ci il tarixində musavat.com və bu sayta istinadən başqa bir neçə xəbər saytında cənab Adnan Oktar haqqında iftira dolu bir yazı yayımlandı

3 sentyabr, 2015-ci il tarixində musavat.com və bu sayta istinadən başqa bir neçə xəbər saytında cənab Adnan Oktar haqqında iftira dolu bir yazı yayımlandı. Sayt yazır ki, guya onun ünvanına vaxtilə Adnan Oktarın Azərbaycandakı qabaqcıl tələbəsi olmuş BDU tələbəsi Murad Kamal tərəfindən məktub daxil olub. Məktubda Adnan Oktar və onu sevənlər haqqında bir çox çirkin iftira mövcuddur. Amma müsavat.com saytında bu yazını yayımlayanlar unudurlar ki, yalan ayaq tutar, amma yeriməz. Əslində, nə belə bir BDU tələbəsi, nə də belə bir azərbaycanlı şəxs yoxdur. Bu qondarma Murad Kamal, əslində, Pola Kamal adlı İraq-Süleymaniyyə Amerikan Universitetinin Beynəlxalq Araşdırmalar və Siyasət məzunudur. Musavat.com saytı sadəcə onun şəklindən istifadə edib. Hətta Murad Kamal adından saxta profil də açmaq unudulmayıb. Buyurun baxın,müsavat.com saytının BDU məzunu olduğunu iddia etdiyi Murad Kamal, əslində, kimdir?

Həqiqi Pola Kamal:

http://auisstudent.blogspot.com/2010/09/financial-aid-system-needs-radical.html

Həqiqi Pola Kamalın facebook profili:

https://www.facebook.com/pola.kamal.73

04 Sentyabr 2015
Ülkü Taşlıova.”YETİM KÜTÜPHANE”

Yetim kütüphane olabilir mi derseniz? Olur derim. Ben o yetimi gördüm.
Hocam bu başlığı verdiğinde yıllardır içimde saklanan bir yeri daha doğrusu kütüphaneyi anlatmak istedim. Yetim kütüphane ismi gönlüme hüzün serpse de tam yerini buldu diye düşünüyorum.
Bulgaristan seyahatinde gözyaşlarımın akmasına sebep olan yer geldi aklıma. Gördüğüm anda kaybettiklerimizin acısı bir kez daha can evimi yakmıştı. Beş yüz kırk beş yıl bizim olan, her taşında toprağında nehrinde iz bıraktığımız o yerler sessiz mahzun ve kederliydi.
Bizi Vidin’de karşılayan Müftü Necati Ali Bey gideceğimiz yere doğru yürürken etraf hakkında da bilgi veriyordu.
Yer yer sıvaları dökülmüş, alçak bahçe duvarı içindeki camiye doğru yürüdüğümüzde hem heyecanlanmış hem de duygulanmıştım. Uzaktan gördüğüm tek şerefeli beyaz minarenin yanındaydım. Sağında, solunda, karşısında süslü, yüksek, bakımlı kiliseler vardı. O gösterişin arasında sade ve suskun duran caminin birkaç taş basamaklı merdiveninden yukarı çıktık. Çift kanatlı, el işlemeli büyük yeşil kapıya vardık. İçeriye girmeden önce etrafa şöyle bir göz gezdirdim. Caminin sağında bir kaç mezar ve duvara yaslanmış uzun mezar taşları vardı. Sordum. Taşları başka yerlerden bulup getirmişler, eski Türkçe yazılıymış. Eski yazı okuyan olmadığından ne yazdığını bilmiyorlarmış. Seyahat gurubumuzdaki eski yazı bilen iki büyüğümüz taşlardaki yazıyı okudu. Caminin imamı da söylenenleri not aldı.
Caminin içini gezdikten sonra Müftü Efendi birde kütüphanemiz var dedi. Sol tarafta olan kütüphane birkaç adım ilerideydi. Biri büyük, biri küçük iki kubbeden oluşan kütüphaneye, küçük kubbe altındaki iki sütun arasındaki kapıdan giriliyordu. Kesme taştan yapılan kütüphane akıp giden onca zamana yenik düşmemişti.
Kare şeklinde olan yapı birkaç metre kareden ibaretti. Üç tarafında demirli büyük penceresi vardı. Kubbenin kemerli tavanı Osmanlı motifleri işli, sütun aralıklarında ise dört halifenin adı ve dini motifler vardı. Tahta döşemeli zemine eski bir kilim yayılmıştı.
Adı Osman PAZVANTOĞLU Camii kütüphanesiydi. Karşı köşesinde tahta masa ve yanlarda oturmak için dar sedirler vardı. Kapının sağında ve solunda yerden yukarıya doğru birkaç raftan ibaret olan kitaplık tahtadan rast gele çakılmıştı. Kitaplığın rafından bir kaçında kahverengi bezli ciltleri eskimiş ve yer yer yırtılmış kitaplar vardı. Oturduğum yerden epeyce seyrettim onları. Her biri anasını babasını yitirmiş yetim çocuklar gibiydi. O an aklımdan öyle çok şey geçti ki. Müftü ve Hoca Efendilerin anlattıklarını dinlerken, bir zamanlar o kitapları yazanları, okumak için dokunan elleri düşündüm. Yerimden kalktım izin isteyerek kitaplardan bir kaçını raftan alıp açtım. Eski Türkçe ile yazılmış kitaplardı.
Bir birine tutunan sararmış sayfalar belki de yıllardır açılmamıştı. Nasıl açılsın ki? Bulgaristan da eski Türkçeyi okuyan mı kaldı ki? Dedim kendi kendime.
Kütüphanenin boş kalan raflarına çay bardakları, şekerlik, tornavida gibi şeyler konulmuştu. Hüzünlendiğimi saklayamamıştım. “Bir zamanlar burada çok kitap varmış. Camide medrese eğitimi de verilirmiş. Dersten çıkanlar gelip kütüphaneden istifade edermiş. Sonra ne o kitaplardan eser kalmış ne de okuyanlardan. Dönemin yöneticileri yok etmişler hepsini. Bu gördüklerinizi de birkaç yıl önce yaşlı insanlar evlerinden getirip dizdiler. İçlerinde ne yazdığını kimse bilmiyor. Bizde yadigâr diye saklıyoruz.” Diyerek içini çekmişti Necati Ali Bey.
Yüreğim acımıştı. Aklıma öksüzlük geldi. Sadece insan değilmiş yetim kalan. Yetim kalan kütüphane sessiz, masum, boynu büküktü. Bağrında sakladığı birkaç cilt kitapla kala kalmıştı oracıkta. Ve ona hizmet veren birkaç gönül erbabının gayretiyle ayakta durmaya gayret ediyordu.
“Nasip olur bir daha yolum buraya düşerse. Hediye kitap getirerek ata yadigârı raflara dizeceğim.” dedim.
Gün geldi oralara gitmek yeniden nasip oldu. Bütün sevdiklerime amacımı söyledim. Birer kitap alarak iç kapağına duygularını yazıp imzalamalarını rica ettim.
Bende evimdeki kitaplarıma göz gezdirdim. Hiç biri bir diğerinden üstün değildi. İnci tanesiydi her biri. Benim kıymetlilerimdi. Sırdaşlarım, dostlarım, biraz düşüncelerim birazda düşlerimdi her biri. Fikirlerimdi kimisi. Kimisinde aklımın tenviriydi. Bende onların sahibiydim. Sahipsiz bırakmadım hiçbirini. Şimdi tek tek yerlerinden indirip bir yetimi sevindirecektim. Pür dikkat kapaklarını açarak her birine gönlümden geçenleri yazdım. Her okuyana bin selam olsun dedim. Adımı soyadımı yazarak altlarına tarih ve imza attım. Yanımda duran karton kutuya alabildiğince doldurdum.
Hani Hz. Mevlana der ya; “Altın ne oluyor, can ne oluyor, inci, mercan da nedir? Bir sevgiye harcanmadıktan, bir sevgiliye feda edilmedikten sonra…”
***
Yolculuk bitmiş, uzun zaman sonra yeniden yetimin yanına varmıştım. Bu sefer sevindirecektim onu. O da sanki kollarını açmış beni bekliyordu. Dolu birkaç karton kutuyu arkadaşların yardımıyla kütüphanenin boş rafları önüne koyduk.
Dolan her raf sanki gülümsüyordu bana. Bende mutluluktan uçuyordum. Sanki yetimin saçlarını okşuyordum. Sanki öksüze bayram kıyafeti almış sevindirmiştim. Arkadaşlarımın kitaplarını dizerken yazdıklarına bakmayı da ihmal etmedim. Her biri yüreklerini sayfa aralarını sıkıştırmıştı sanki.
Az da olsa yetim sevinmişti.

(Avrasya Yazarlar Birliği Edebiyat Akademisi Deneme Atölyesi 2014)

03 Sentyabr 2015
Dövlətimiz güclü siyasi iradəyə malikdir

Dövlətimiz güclü siyasi iradəyə malikdir

Baş verə biləcək iqtisadi böhranın yaşanmamağı üçün dövlətimizin borc götürməyinə dair bəzi mülahizələr yanlışdır. Neftin qiymətindəki ucuzlaşma və manatın devalvasiyası ilə yanaşı, iqtisadiyyatımızda böhranın baş verməməyi üçün həll yolları haqqında media və sosial şəbəkələrdə müzakirələr aparılır, müxtəlif təklif və mülahizələr söylənir.

Bunların içərisində ölkəmiz üçün əsla xeyirli olmadığını düşündüyüm beynəlxalq valyuta fondlarından və banklarından borc götürülməsi təklifidir. Dövlətimiz illərdir torpaqlarımızın işğal altında olmasına baxmayaraq, istər ABŞ və Avropa Birliyi ölkələri, istərsə də üzərimizdə təsirini artırıb yenidən hegemoniya qurmaq istəyən qonşularımız tərəfindən ölkəmizə qarşı edilən təzyiqlərə baxmayaraq ölkə maraqlarından heç bir güzəştə getməyib. Bu cəsur siyasi duruş təqdirə layiqdir.

Dünyada baş verən hadisələrə baxdığımızda siyasi iradə göstərən bir çox ölkənin iqtisadi yöndən zəiflədilib borca sürüklənməsi ilə asılı vəziyyətə salındığını görürük. Ona görə də borc təklifini Azərbaycanın xeyrinə olacaq imiş kimi göstərənlər bundan çəkinməlidir. Azərbaycan xalqı inanclıdır, vətənpərvərdir; heç bir zaman öz rahatlığı üçün ölkəmizin borc üzündən asılı vəziyyətə düşməyini istəməz. Bütün bunlar müvəqqəti çətinlikdir.

Dövlətimizin heç bir mənada digər dövlətlərdən asılı vəziyyətə düşməməyi üçün, lazım gələrsə, daha qənaətcil davranmaq lazımdır. Əgər iqtisadi çətinlik yaşanarsa belə, öz daxili potensialımız hesabına bu çətinliyin öhdəsindən gələcək millətə və dövlətə sahibik.

Gənclərin Mənəvi İnkişafı İctimai Birliyinin sədri Ramiq Vəliyev

03 Sentyabr 2015
Hikmət MƏLİKZADƏ.”Artıq təksən…” (Məqalə)

Azərbaycan Respublikasının Prezident Təqaüd Fondunun təqaüdçüsü,
Azərbaycan Yazıçılar və Jurnalistlər Birliyinin üzvü

Sədaqət, vəfa deyilən şey insanın könül yaşantılarıdır. Əfsus, Adəm-Həvva, Leyli-Məcnun, Əsli-Kərəm sevgisinin həyat normaları bu vacib gerçəklərə səmt tuta bilmədi və bu qeyri-zəruri hal əvvəldən başladığı formada bu gün də təəssüf ki, öz xarakterini eyni tərzdə göstərir.
Sevmək hələ sədaqətli olmaq məğzi kəsb etmir. Düzdür, insanın ümdə vəzifəsi ətrafını qorumaqdır, lakin kimisə hifz edə bilmək Tanrı bacarığıdır deyə insana sadəcə, bu səmtə göz dikə bilmək qalır. Bu zaman da – səndən ötrü canımı verərəm – dediyin adama canını verə bilmirsən. O, gedir, sən də ya yalqızlığın qoynunda çabalayır, ya da heç nə olmamış kimi yeni səmtlərə boylanırsan.
Əzizimiz, qələm dostumuz, qardaş dediyimiz Giya Paçxataşvili də sədaqətli ömür-gün yoldaşı Lamaraya sadiq insandı. O da həyatın vəfa zirvəsinə qalxa bilmək üçün dəridən-qabıqdan çıxırdı və bu, Lamaraya əminlik verirdi. Ancaq sən saydığını bir cür sayırsan, fələk də başqa cür – səndən daha dəqiq sayır. Giyanın sakitlik gətirən fikirləri başı batmış fələyin dağıdıcı-sarsıdıcı zərbələri qarşısında aciz qaldı. Qəfil qopan tufan Lamaranı qəm yeməkdən ağappaq ağarmış Giyadan araladı. Dostlar, tanışlar təsəlli verdi, sızladı, bu dəhşətin acısı heç kimi sarmadı; nə oldusa Giyaya oldu…
Lamaranın yoxluğu ağ dünyalı Giyanın şair qəlbinə qara xətlər çəkib. Ağ-qara şeirlər doğur Giyanın titrək qələmi. Bu şeirlər də bugünlərdə «MBM» mətbəəsində işıq üzü görmüş «Son – əvvələ gedən yol» başlıqlı bir kitabda cəm olub. Bu kitab bütövlükdə Giyanın Lamaranın müqəddəs ruhuna əbədi ehtiramıdır. Təbiidir ki, kitabda ürək ağrıdan, qəlb sızladan fikirlər yer alıb. Nə qədər daşürək olsan belə, bu fikirlərə baxış sıradan kimi kövrəlirsən. Elə Giya da bu fikirlərin cəm olduğu şeirləri kövrələ-kövrələ yazıb.
Həyat yoldaşı hələ «xərçəng»in caynaqlarında çırpınarkən Giya ümidsizlikdən asılı qalmışdı. (daha&helliip;)

03 Sentyabr 2015
Hikmət MƏLİKZADƏ.”Pirqulu sərgüzəştləri”

Azərbaycan Respublikasının Prezident Təqaüd Fondunun təqaüdçüsü,
Azərbaycan Yazıçılar və Jurnalistlər Birliyinin üzvü

Yollar, hələ ilan olmamış ilan balaları kimi qıvrılmaqda,
Maşınımız da südəmər quzu kimi aram-aram mələməkdə.
Biz də, təbiətə məftun şəhərli uşaqlartək
gözümüzün qarşısına keçəni baxışlarımızla yıxırıq.
Həvəskar alpinisttək Pirqulu meşələrinə çıxırıq.
Gendən ruhumuza sığal verir Rəsədxana divarları.
Ucları buluda dəyən ağaclar da, yamyaşıl örtüyü ilə
ruhumuza şuxluq sıçradır heyran-heyran.
Xeyli hündürdən qıy vuran qartal kimi görünür Şamaxı –
Mənim, şair balaları didərgin şəhərim.
Bir az da ruhu pərişan, gərgin şəhərim…
Üzülə-üzülə göz atıram çuxası yaşıl meşələrə.
Dərinə düşdükcə, təbiətin mənası bir az da artır.
Hansı qüvvəsə gözlərimi bu gözəlliyə dartır.
Arabir vəhşi əngəllərə də dəyir gözüm.
Bələdçim deyir ki, eh, bilirsiz burda – bu cənnətməkanda
neçə bakirə ağacın taleyini cızdılar?!
Doğrudan, burda ağaclar elə bil bakirə qızdılar –
adam görən kimi duvaqlarını çəkirlər.
Bələdçi, ətrafa eyhamla deyir ki,
abırlı, həyalıdı Pirqulu meşələri.
Ancaq pula möhtəkirlər göz verir, işıq vermir
bu yanaqları al, ayaqları xınalı təbiət gözəlinə;
sanki uçurub, dağıtmaqdı peşələri.
Allahın işinə bax, burda ağaclar Günəşi görməkçün bəhsdə.
Ağacdibi oyuqlarda ard-arda düzülən alabəzək göbələklər
Göpgöyçək qızlartək naz atır kövrək ruhumuza.
Burda, dumanın vaxtsız-vədəsiz
ətrafı ağa bükməsi ayrı bir səhnə;
adama elə gəlir ki, hansısa tamaşanın
obrazlarıdı içindəki qaraltılar.
Yayda payız qayğıları başlayır Pirqulunun.
Yetib bu yurdun yaylıq örtən çağı.
Bir az yuxarıda qaraçuxa buludlar ruhunu «daşlayır» onun.
İslanır nə var; yollar, yamaclar, toxlar aclar…
Bir azdan gün, dəcəl uşaqtək yaxasını açır ətrafın.
İlıq şüalar islaq adamları buxarlandırır.
Nəm tutmuş torpaq da buxar verir.
Təkcə, yarpaqları yağışdan sırğalanmış yekə-yekə ağaclar
payız nəğməsi oxuyur yorğun-yorğun.
Əllərində sini o yan-bu yana qaçan ağköynək xidmətçilər
ayaqları ilə yerə yüz ilmə vurur.
Toxlar meşələrin ruhunu kabab kimi qoxuyur,
Aclar onun-bunun ağzına baxa-baxa namaza durur.
Bu məzmunsuz görüntüyə diş qıcayır
meşə həkimi – ağacdələn;
dimdiyinin yoruğunu ala-ala bu vəhşətə acıyır.
Vicdanı acımır burdakı tox adamların;
qudurğan qəhqəhələri, şit gülüşləri ilə Tanrını bezdirirlər.
Harın biri də, dişlərini ağarda-ağarda
göbək atdırır bir şax yüzlüyə hansı acınsa qızına.
Təbiət bu mistik ovqatı çözməyə məcbur.
Təəssüf… dözməyə məcbur.
…Məni burda ilk dəfə valeh edir şəhərli bir qızın
yaş torpağa sevgi etirafı.
İliyimiə işləyən soyuğun ağ sevda çiçəklərinə
ötənilki cücülər hakimdi…
Kipiklərim qatı dumanın şehində o ki var, çimir.
Bir anlıq elə bilirəm bura inam ocağıdı – pirdi.
…Üşüdüyümü görən bələdçimin
çiynimə atdığı pencəkdən də tüstü iyi gəlirdi.
İşə bax, burda adamın duyğuları boş durmur;
Kövrək hisslər yelləncək asır baxışlarından.
Ata sevgisinə ac uşaq kimi gözlərinə hopdurmaq istəyirsən
səni məst edən sısqa gözəllikləri.
Hündür-hündür ağaclar günəşlə aranda səddi.
Burda yadına düşmur, deyəsən:
– Ruhuma kömək ol, ya hansısa ağanın cəddi!
Burda hər ağacın altı bir görüş yeridi;
kim bilir, neçə qızın-oğlanın sevgisinə şahiddi bu ağaclar.
Adamlar, yağışda başlarına tuturlar bu ağacları, çətir əvəzi.
Sonra da dilucu ehtiram göstərirlər, xətir əvəzi.
…Oxucum, sanma ki, meşələr bəxtəvərlik rəmzidir.

03 Sentyabr 2015
Saqif Qaratorpaq: HÜSEYN ARİF ƏDƏBİ MƏCLİSİ

HÜSEYN ARİF ƏDƏBİ MƏCLİSİ

(HESEYN ARİF ƏDƏBİ BİRLİYİ)

H.Arif Ədəbi birliyi 1997- ci ilin sentyabr ayından Ağstafa şəhərində fəaliyyətə başlamışdır.Ədəbi birlik Azərbaycan Yazıçılar Birliyi Qazax zona şöbəsinin sədri,şair Barat Vüsalın,Ağstafa Mədəniyyət və Turizm şöbəsinin müdiri Gülgün Kərimovun, “Ağstafa” qəzetinin məsul katibi jurnalist Firdovsi Heydərlinin təşəbbüsü ilə yaradılmışdır.İlk toplantısı 17 sentyabr 1997-ci ildə keçrilmişdir.El şairi Eyvaz Qələmçəli Ədəbi Birliyin ilk sədri seçilmişdir.Birlik öz işinə şair Telman Kürsoyun “Bizi başqa xalqla dəyişdiriblər” kitabının təqdimatı(müzakirəsi) ilə başla- mışdır.Təşkilati işlər və digər məsələlər sədrin müavini kimi Saqif Qaratorpağa həvələ olunmuşdur. 2004-cü ildə el şairi Eyvaz Qələmçəli vəfat etdikdən sonra Birliyə Saqif Qaratorpaq rəhbərlik etməyə başlamışdır. 2000-ci ildə Birlik üzvlərinin şeirləri toplanmış ilk almanax – “Şairlər Qapıda növbə gözləyir” işıq üzü görmüşdür.2001-ci ildə “Ağstafanın poeziya çələngi”,2004-cü ildə “Dərin kökün pöhrələri”,2006-cı ildə “Hər çeşmədən bir damla”,2009-cu ildə “Oğuz tayfam-Ağstafam” almanaxları çap olunmuşdur. Ədəbi Məclis özündə 30-dan artıq üzvü birləşdirir.Bu günə kimi Ədəbi Məclis üzvlərinin müxtəlif illərdə 100-dən çox şəxsi(müəllif) kitabı çap olunmuşdur. Bu gün artıq imzası ölkədə tanınan Üzeyir Məhərrəmli(mərhum), Şahinə Könül,Cığatel İsaqızı,Rüfət Axundlu,Sevinc Yunuslu ilk kövrək addımlarını Hüsüyn Arif Ədəbi Birliyində atmışlar. Üzeyir Məhərrəmli(2000-ci il),Şahinə Könül(2009-cu il),Rüfət Axundlu (2015-ci il),Sevinc Yunuslu(2013-ci il),Əli Cəfəroğlu(2014-cü il) Prezident təqaüdünə layiq görülmüşlər. 2015-ci ildə yazıçı-jurnalist Firdovsi Heydərlinin və naşir-rəssam Sü- Leyman Mustafaoğlunun zəhməti sayəsində “Kitab Evi” İctimai Birliyinin dəstəyi ilə “UniPrint-S” nəşriyatında Birlik üzvlərinin və Ağstafada yaşayıb-yaradan şair və yazıçıların(130-dan artıq müəllifin) seçmə əsər- ləri toplanmış “Oğuz Tayfam-Ağstafam” poeziya antalogoyası çapdan çıxmışdır.

03 Sentyabr 2015
Elnur RƏSULOĞLU.”Qoca aşiqin ölümü”

Qoca aşiqin ölümü”

Qar yağıb bircə-bircə

Göylərdən səpələnib.

Qar yağıb dünən gecə

Hər yanda təpələnib.

Soyuqdur.

Qışdır artıq.

Beləcə açdı səhər.

Baxırlar yazıq-yazıq

Uzaqdan boz sərçələr.

Məzarlıq qapısından

İçəri keçib qoca.

Qəbirlər arasından

İrəli gedib qoca.

Bir qəbrə gəlib yaxın

Başladı hey öpməyə.

Başladı xısın-xısın

Uşaqtək hönkürməyə.

Qocanın qəm-qüssəsi

Çevrilib yaşa döndü.

Göz yaşı – nəm qüssəsi

Üzündə daşa döndü.

Bərk qucub başdaşını

Diz üstə çökdü qoca.

Xeyli vaxt baxışını

Bir şəklə dikdi qoca.

Qocanın buz nəfəsi

Andırır Arktikanı.

Ney kimi qəmgin səsi

Bədəndən çəkir canı.

“Deyirdim xoşbəxt oldum

Sevilib-sevən günü.

Ömürlük bədbəxt oldum

Sən ölüb-gedən günü“.

“Arzular parça-parça” –

Qışqırdı dönə-dönə.

“Getmişəm qaça-qaça

Tənhalar ölkəsinə“.

“Qurumuş ot kimi mən

Qupquru qurumuşam.

Dondurub qəlbimi mən

Sevgisiz yaşamışam“.

Qocanın qucaq-qucaq

Köksündən ağrı qopdu.

Dözməyib partlayaraq

Yerindən bağrı qopdu.

Damarda dondu qanı,

“Gəlirəm” – deyib güldü.

Bədəndən çıxdı canı,

“Gəlirəm” – deyib öldü.

Qar yağıb bircə-bircə

Göylərdən səpələnib.

Qar yağıb dünən gecə

Hər yanda təpələnib.

Soyuqdur.

Qışdır artıq.

Beləcə açdı səhər.

Baxırlar yazıq- yazıq

Uzaqdan boz sərçələr.

03 Sentyabr 2015
Gündəlik İnformasiya Agentliyində iki yeni bölmə istifadəyə verilib

2 Sentyabr 2015-ci il tarixində Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş məsləhətçisi, şairə, jurnalist Nəcibə İlkinin məsləhəti ilə Gündəlik İnformasiya Agentliyində “Ali Ziya dərgisi” və “Ədəbi birliklər” bölmələri istifadəyə verilib.
3 sentyabr 2015-ci il tarixindən etibarən, “Ali Ziya” ədəbi-bədii, elmi-publisistik jurnalının yeni işıq üzü görəcək sayı haqqında məlumat öz əksini tapacaq.”Ədəbi birliklər” bölməsində isə “Hüseyn Arif” Ədəbi Birliyi, Süleyman Rəhimov adına Qubadlı rayon ədəbi ictimai birliyi, Əli Kərim adına Sumqayıt şəhər Poeziya Klubu, “İsmayıllı Yazarları” ədəbi ictimai birliyi, Azərbaycan Yazıçılar Birliyi, Azərbaycan Jurnalistlər Birliyi, Azərbaycan Aşıqlar Birliyi, Yeni Yazarlar və Sənətçilər Qurumu, Dünya Gənc Türk Yazarlar Birliyi, “Gənc Ədiblər Məktəbi” haqqında olan bilgilər dərc olunaraq ictimaiyyət nümayəndələrinin nəzərinə çatdırılacaq.Əsas məqsəd ədəbiyyat, poeziyasevərləri ədəbi birliklər haqqında məlumatla təmin etməkdən ibarətdir.

Azərbaycanın Mədəniyyət və Ədəbiyyat Portalının Mətbuat xidməti

02 Sentyabr 2015
Nəcibə İLKİN.”Çox baxacaqsan”

Azərbaycan Yazıçılar və Jurnalistlər Birliklərinin üzvü,
“Azad qələm” ədəbi-bədii, ictimai-publisistik qəzetinin və
“Ali Ziya” ədəbi-bədii, elmi-publisistik jurnalının təsisçisi və baş redaktoru

Küsmüşəm barışan deyiləm daha,
Çıxıb gedəcəyəm bir qərib yerə.
Sənsiz gözlərimdə doğan sabaha,
Baxıb hönkürəcəm gülüm min kərə.

Boylanıb qəlbimin pəncərəsindən,
Dikəcəm yoluna həsrət gözümü.
Diksinib qalxacam qəfil səsindən,
Yenə axtaracam özüm – özümü

Gecələr bürünüb hicran donuna
Vüsal yuxumuza lay-lay çalacam.
Yenə yuxularda qaçıb yanına.
Yenə də bir anlıq sənin olacam.

Ayılıb həsrətin qəm yuxusundan,
Eh… məni o qədər axtaracaqsan.
Yapışıb könlümün lal yaxasından,
Mən gedən yollara çox baxacaqsan.
Mən gedən yollara çox baxacaqsan.

02 Sentyabr 2015
Saqif QARATORPAQ.”Bir yaşıl yarpaqdım”

Bir yaşıl yarpaqdım,
yoruldum
yoluna baxmaqdan,
saralıb
düşdüm budaqdan,
Küləklər qovar
o yana,bu yana.
Yağış isladar
üşüyərəm
qışın sazağında.
Çırpılıb
divardan divara,
dolaşaram
sərgərdan,avara…
Eh…sən,
bəlkə də
heç bunun
fərqində deyilsən.
Hər gün
üstümdən
keçib gedirsən…

02 Sentyabr 2015
Şəfaqət CAVANŞİRLİ.”Sevginin gözləri” romanının VI hissəsi

Səfər Çiçəkgilin getdiyini biləndə əsəbdən özünə yer tapa bilmirdi. Qonaq otağında əlindəki stəkanı çırpdı yerə. Stəkan çilik-çilik oldu:
– Axı niyə? O ana-bala sizə neyləmişdi? Yetim qız idi, ay ana. Nə vermişdiz ala bilmədiniz?
Cəmilə oğlunun üstünə qışqırmasa da səsinin tonunu qaldırdı:

– Həddini bil, qarşında yad qadın yoxdu. Ananla bacın var. Pozğuna görə coşmusan? Bəlkə bizi döyəsən?

Səfər üzünü bacısına tutur:
– Sən necə qızsan? Biz Fidanla bir yerdə böyümüşdük. Sənə nə pisliyi keçmişdi?

Aybəniz: – Pisliyi o idi ki, adımızı batırırdı. Qapının ağzınacan oğlan gəlmişdi.

Səfər stulu əliylə aşırdı: – Yalandı, ömrümdə inanmaram. Şər atırsız. Mən onları tapacam. Tapanda isə ana, sənə and içirəm, Fidan menim arvadım olacaq. Bugün harda olsa axtarıb tapacam.
(daha&helliip;)

02 Sentyabr 2015
Qalib ŞƏFAHƏT.”Xəyanət boyda”

Xəyanət boyda
əl verirəm sənə,
qaytarıb çırpsan da
üzümə.
Xəyanət boyda
göz verirəm sənə,
baxa bilsən gözümə.
Xəyanət boyda
söz verirəm sənə,
Qata bilsən sözünə.
Xəyanət boyda
ürək verirəm sənə,
yer tapa bilərsənmi özünə?
Daha buradan o yana
heç kəs yoxdu-
Getmə heç yerə.
Xəyanəti
sapla qəlbinə,
Tikiş qoyarsan
ömrünə.
Xəyanət boyda.

02 Sentyabr 2015
Aliyə ƏSƏDOVA.”Sərhədçi qardaş”

Səhərin gözüylə oyanan
əli alnında boylanan
sərhədçi qardaş.
Kim var kim yox oralarda,
o bağlı yollarda
kimsə yıxıldı elə bil
sərhəddən xeyli uzaq.
Şəhərlidi ya kəndçi
uzaqlardan gəlib-
adını deyir vətəndaş!
Sən yerdəki qara bax,
yazın bu son ayında
bu sərhəd yollarında
ləpir qoyan ayaqlar,
biri gedir ,biri gəlir …
Bu yolları izləyən
şimal sənə çox yaxın,
əlini çək gözündən
elə bil üz -gözündən
tanıyan olub səni .
Bu sərhəddə soyuq var,-
gözlərindən qaçmasın
bayaq səni səsləyən
səni görən vətəndaş!

02 Sentyabr 2015
Nadir ZİYADLI.Şeirlər

Qadınım mənim

Qonşuların
pıçıltıları .
dostların təsəlliləri
tanışların soyuq baxışları altında
bacım ..qardaşım
düm ağ parçaya bürünmüş
tabutumun önündə
göz yaşı axıdacaqlar..
Göz yaşı axıdacaqlar
tabutum
həyətdən çıxana qədər…
Sonra
hər biri baş alıb gedəcək
öz işlərinə..
öz içlərinə…
və
öz içlərində axtaracaqlar məni.. (daha&helliip;)

02 Sentyabr 2015
Gündəlik İnformasiya Agentliyi

2013-cü ilin avqust ayının 28-də Bakı şəhərində, “AYDINOGLU CONSULTİNG GROUP” tərəfindən maliyyələşdirilən və həyata keçirilən “Kütləvi informasiya vasitələrinin inkişafına dəstək” layihəsi çərçivəsində istifadəyə verilən Gündəlik İnformasiya Agentliyi Azərbaycan Xalqının ümummilli lideri, müasir müstəqil Azərbaycan dövlətinin qurucusu və memarı, ictimai-siyasi xadim Heydər Əlirza oğlu Əliyevin 7 dekabr 1999-cu il tarixli “Azərbaycan Respublikası Kütləvi informasiya vasitələri haqqında qanun”a uyğun, fəaliyyətini davam etdirir.Azərbaycan Respublikası Milli Təhlükəsizlik Nazirliyi tərəfindən nəzarət olunan İnformasiya Agentliklərindən biri kimi, Çağdaş Azərbaycan ədəbi mühitində yetişməkdə olan yeni nəsil Azərbaycan gəncliyinin tanıdılması istiqamətində məqsədyönlü tədbirlər planı hazırlayıb həyata keçirir, eyni zamanda dünyada, o cümlədən Azərbaycanda baş verən ən son olayları ictimaiyyət nümayəndələrinin və oxucu auditoriyasının nəzərinə çatdırmaqdan məmnunluq hissi duyur.
Bizi seçib, Bizimlə qaldığınız üçün sonsuz təşəkkürlər!

Gündəlik İnformasiya Agentliyinin Mətbuat xidməti

02 Sentyabr 2015
Sumqayıtın kimya sənayesinin inkişafında xüsusi xidmətləri olmuş insanlar- TANITIM

Bu il respublikamızdan kənarda da kimyaçılar şəhəri kimi tanınınan Sumqayıtın şəhər statusu almasının 66 ili tamam olur. 66 yaşlı bu şəhərin həyatının hansı dövrünə baxsan sənaye, tikinti, təhsil, səhiyyə, mədəniyyət və iqtisadiyyatının əsl inkişafının, yüksəlişinin şahidi olur, bu şəhəri qurub-yaradanları xatırladıqca məmnunluq duyğusu ilə bərabər, kövrək hisslər keçirirsən. Bu şəhərin təbiəti, varlığı belədir. Burada həyat həmişə qaynayıb. Sumqayıt və sumqayıtlılar illərin qoynunda yaşa dolub, şəhərin tarixinə parlaq səhifələr yazıblar. Doğma Azərbaycanımızın bir parçası olan Sumqayıtın dünəni, bu günü və sabahı onun sakinlərinin ömür salnaməsidir. Bu salnaməni öyrənmək, təbliğ etmək və bu şərəfli tarixi yaradanlarla qürur duymaq hər birimizin müqəddəs borcudur. Çünki insan əməyinin nəyə qadir olduğunu Sumqayıtın timsalında bütün aydınlığı ilə görmək mümkündür. (daha&helliip;)

01 Sentyabr 2015
Əziz Musa.Yeni şeirlər

Azərbaycan Yazıçılar və Jurnalistlər Birliklərinin üzvü,
“İlham çeşməsi” qəzetinin təsisçisi və baş redaktoru

Daş

Bu dünyanın işinə bax,
Baxan görmür gələn daşı,
Göydən gələn, elə gəlir,
Qorumaq olmayır başı.

Hər bir kəsin qismətinə,
Göydən gələn bir daş düşür.
Hər daşa da bu dünyada,
Neyləyəsən bir baş düşür (daha&helliip;)

01 Sentyabr 2015
Nəcibə İlkin gundelik.info və edebiyyat-az.com saytlarının Baş məsləhətçisi seçilib

Gündəlik İnformasiya Agentliyinin Rəhbərliyinin 1 Sentyabr 2015-ci il tarixli qərarı ilə, Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, “Qızım Qələm” Media Mükafatı laureatı,Dünya Azərbaycanlıları Mədəniyyət Mərkəzinin idarə heyətinin və Qadınlar Şurasının üzvü və DAMM-ın və katibi, “Azad qələm” ədəbi-bədii, ictimai-publisistik qəzetinin və “Ali Ziya” ədəbi-bədii, elmi-publisistik jurnalının təsisçisi və baş redaktoru, “Bir ömür uduzdum”, “Qəlbimdə dil açan dünya“, “İllərin o tayı gözləyir məni”, “Son görüş, son zəng, son təbəssüm” kitablarının müəllifi, kütləvi informasiya vasitələrinin nümayəndəsi, istedadlı qələm sahibi, şairə, jurnalist Nəcibə İlkin (Babakişiyeva Nəcibə Bahadur qızı) Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş məsləhətçisi seçilib.Təbriklər!

01 Sentyabr 2015
“Sözə qədr- qiymət verən şair”

Taninmiş jurnalist, ustad şair-publisist çox hörmətli ELDAR İSMAYİL mənim yaradıcılığım haqda yazı yazıb. Ona öz dərin təşəkkürümü bildirirəm. Mənim üçün əsl şəxsiyyətlərdən biri olaraq ona böyük nəhəbbətim var. Var olun ustad..
SÖZƏ QƏDR- QİYMƏT VERƏN ŞAİR
Mənim aləmimdə poeziya yəhərli-yüyənli, bərli-bəzəkli, telli-toqqalı, köhlən bir atdır. Üzəngisi, tapqırı, quşqunu yerindəsə yəhər bütövdür. Lakin sinəbəndi, qayışı, cilovu vurulmayıbsa at minik üçün hazır deyil. Həmçinin klassik Azərbaycan poeziyasında da məhz belə bir anlayış yaşamaqdadır. Sözü köhlən ata bənzətsək onun bölgülərini, qafiyələrini, hecalarını, rədiflərini, ölçülərini yaddan çıxarmaq olmaz. Biz ağzımızda poeziya deyiriksə o nəsrlə yazılmış əsərlərdən kəskin şəkildə fərqlənməlidir. Poeziyada bir coşğunluq, musiqi, ahəng və lətafət mövcuddur. Çox vaxt şairlər qoşma, gəraylı, bayatı və s. yazarkən zümzümə altında kağıza köçürürlər. Poeziyada ilhamverici bir güc var ki, o da oxucunu qürura, vüqarlı olmağa, vicdan və şərəfli olmağa səsləyir… Məhz belə bir duyğunu, görüntünü, ölçülü-biçili şeir nümunələrini istedadlı şair Nəcibə İlkinin poeziyasında gördüm. Sözün qədr-qiymətini uca tutan sənətkar cəsarətinin şahidi oldum. Nəcibə xanım İlkinin yaradıcılığı ilə mən uzun müddətdir ki, tanışam. Onun kitabların da dərc olunmuş şeirləri, dövrü mətbuatda çıxan poetik nümunələri məni həmişə bir oxucu, bir həmkar kimi özünə çəkmişdir. (daha&helliip;)

01 Sentyabr 2015
Gözəl bir şeyi səhv üsullarla əldə etməyə çalışmamaq…

İnsanlar həmişə yaxşı bir şeyə nail olmaq və ya gözəl nemət əldə etmək istəyirlər. Ancaq bu məqsədlərinə və ya istədikləri nemətə qovuşmaq üçün səhv üsullardan istifadə edirlər. İstədikləri şeylər və niyyətləri çox gözəl olduğu halda, istifadə etdikləri üsullar səhv olduğu üçün yanlış rəftar etmiş olurlar.
Bu mövzuya gündəlik həyatdan bir neçə nümunə verə bilərik. Məsələn, qaldığı yeri təmizləmək istəyən bir insanın niyyəti gözəldir. Ancaq bu niyyətinə çatmaq üçün ətrafındakı insanları narahat edirsə, gördüyü natəmizliyə, dağınıqlığa görə oradakı insanlara qarşı sərt davranırsa, bir tərəfdən təmizlik edərkən, digər tərəfdən də deyinirsə, bu vəziyyət o insanın gözəl məqsədə səhv üsullarla çatmağa çalışdığını göstərir.
(daha&helliip;)

31 Avqust 2015
“Sumqayıt şəhərində ekoloji vəziyyət qat-qat yaxşılaşıb”-MÜSAHİBƏ

“İNSANLAR, QORUYAQ TƏBİƏTİ BİZ”

“Azərikimya” İB-nin İcraçı direktorunun əməyin mühafizəsi və
ətraf mühitin qorunması üzrə müavini,
biologiya elmləri üzrə fəlsəfə doktoru

Vüqar Kərimovla müsahibə

Qısa tanışlıq:
Vüqar Nəzir oğlu Kərimov 02 aprel 1973-cü ildə Şəki rayonunun Kiş kəndində anadan olub. 1990-1995-ci illərdə Gəncə Dövlət Universitetində, 2010-2013-cü illərdədə isə AR Prezidenti yanında Dövlət İdarəçilik Akademiyasında təhsil alıb. 1995-1998-ci illərdə Azərbaycan Respublikası Elmlər Akademiyasının Botanika institutunun aspiranturasında oxuyub, 1998-2008-ci illərdə həmin institutda kiçik elmi işçi vəzifəsindən laboratoriya və şöbə müdiri vəzifələrinə qədər yüksəlib. 2000-ci ildə namizədlik dissertasiyası müdafiə edib və Azərbaycan Respublikası Ali Attestasiya Komissiyasının qərarı ilə ona biologiya elmlər namizədi (biologiya üzrə fəlsəfə doktoru) alimlik dərəcəsi verilib. 2008-ci ilin aprel ayından ARDNŞ-nin Ekologiya İdarəsində departament rəisinin müavini, departament rəisi vəzifələrində çalışıb. 2010-cu ilin iyul ayından 2012-ci ilin noyabrına kimi Ekologiya İdarəsinin rəis müavini, 2012-ci ilin noyabr ayından bu günə kimi isə “Azərikimya” İB-nin İcraçı direktorunun əməyin mühafizəsi və ətraf mühitin qorunması üzrə müavini vəzifəsində çalışır. Botanika və ekologiya sahəsində 25-dən çox elmi məqalənin və 3 kitabın müəllifidir. Yeni nəşr “Azərbaycanın Qırmızı Kitabı” əsərinin həmmüəlliflərindən biridir. (daha&helliip;)

31 Avqust 2015
Xuraman CAMALQIZI.”Sənin həsrətinin boyun sevirəm”

Həsrətin, nisgilin var-dövlət kimi,
Könül yaraların zənginləşdirib.
Əlçatmaz, müqəddəs məhəbbət kimi,
Xəyal dünyasını ənginləşdirilib.

Şirin xatirələr qəlbimdə qalıb,
Ara bir özümlə söhbət edirəm.
Saralmış şəkillər əlimdə qalıb,
Kədərlə süzürəm, hörmət edirəm.

Həsrətin sevimli can yoldaşımdır,
Onsuz mənim halım necə olardı?!
Ruhuma işləyən qan yaddaşımdır,
Gündüzüm də sənsiz gecə olardı.

Sənin hər əzabın mənə şirindi,
Mənliyin yaranıb xatirələrdən…
Sənin məhəbbətin elə dərindi,
Süzülüb keçibdir sürgün illərdən.

Sənin həsrətindən boyun sevirəm,
Həsrət də insane həyan olurmuş.
İllərin, günlərin, ayın sevirəm,
Sevməsəm, bu dünya zindan olurmuş.

30. 8 .2015.

31 Avqust 2015
Yalçın YÜCEL.”SEN NİNNİ SÖYLERKEN ANNE”

Sen ninni söylerken
Sesin tutuyor ellerimden
Otlar üstünde koşuyoruz birlikte
Papatyalar daha da çoğalıyor
Kuşların kanatlarına dokunuyor gözlerim
Sen ninni söylerken
Uykumun kapısı çalınıyor yavaşça
Gözlerim kapanıp kapanıp açılıyor
Beşiğim gıcırdadıkça da
Biliyorum ki, üzülüyorsun anne
Sen ninni söylerken
Balonlar uçuşuyor her yanımda
Gökyüzü bir renk cümbüşüne dönüyor birden
Ve el ediyorlar bana
Gitsem, üzülür müsün anne?
Sen ninni söylerken
Saçlarımı okşuyor nefesin
O an uyurum diye
Nasıl da korkuyorum
Direniyorum, elimden geldiğince
Uyurken anne, uyurken, o kadar yalnızım ki!
Yalçın YÜCEL
Tüm annelere saygılarımla.

31 Avqust 2015
Harika UFUK.”Aşkın adını koyduk”

Azerbaycanın Kültür ve Edebiyat Portalının Türkiye temssilcisi

Günaydın yazın son gününden sıcak bir günaydın herkese heart duyğusu

Önceden bu kadar zor değildi
Ayrılık!
Adını koyduk aşkın,
Mesafeler çekilmez oldu!
Gül yaprağında aşk fısıltıları,
Savruldu gizemli gecelerce,
Öksüz maviliğin sedası
Boşlukta kaldı!
Adını koyunca aşkın;
Bülbüller başka ötmeye,
Güller bambaşka kokmaya başladı!
Bu sabah
Bulutlar selam verdi bana
Bir güvercin
Haber getirdi senden…
Çiçeklendim,
Özlemin diken oldu özümde,
Birlikte
Adını koyduk aşkın!

Adana.18.05.2008

31 Avqust 2015
Təranə ŞƏMS.Yeni şeirlər

KİNƏ ƏLƏNİB…

Sinəmdə yaralar, ağaran telim.
Vətəndə köçkündür, elsizdir elim.
Yanan ürəyimdir, qaysağı təzə,
Acıyan könüldü, alışan dilim.

Saçımın hər teli ömür yolumdur,
Həyat da fanidir, çatan sonumdur.
Dağların yorğanı, bəyaz tellərim,
Biçdiyin libasın, həyat donumdur.

Sazaq da üşüyüb, sinəmə yağıb,
Əllərim telimdə, əlimə yağıb.
Üşüyən hər telim, ruhumu öxşa,
Ruhumdu üşüyən, dilimə yağıb.
(daha&helliip;)

31 Avqust 2015
Səttar QARAĞACLI.”Görəsən”

Ömür əmanətdir insane vallah,
Nə boran, nə tufan, sellər görəsən.
Qəmə urcah olub düşəndə dara,
Köməyə uzanan ellər görəsən.

Nə günəş tutula, nə yağış yağa,
Dünya gözlərində dönə yaylağa.
Qəlbi ovutmağa, könül almağa,
Bağında çiçəklər, güllər görəsən.

Gözəllik nə dizi, nə gözü yordu,
Naxışı, ilməsi işıqdı, nurdu.
Gəzib qarış-qarış bu ana yurdu,
Səfalı obalar, ellər görəsən.

Xoş ola insanın günü, əhvalı,
Olasan qadından, qızdan həyalı.
Dağlarda gəzəsən yamacı, yalı,
Aranda yamyaşıl çöllər görəsən.

31 Avqust 2015
Şəfa EYVAZ.”Bütün sətirlərim incidi məndən”

Bütün sətirlərim incidi məndən,
Bir şair qəlbini sındırdığım gün.
Didildi, dağıldı ruhum içindən,
Bir şair qəlbini sındırdığım gün.

Nə dedin bal dilim acıya döndü,
Getdiyim düz yollar əyildi bütün.
Dünyanın mən adlı işığı söndü,
Bir şair qəlbini sındırdığım gün.

Mən ki istəməzdim qəlbini yorum,
Bənd oldu dilimə atdığın düyün.
Yarandı içimdə dibsiz uçurum,
Bir şair qəlbini sındırdığım gün.

31 Avqust 2015
Şəfa VƏLİYEVA.“Qumarbaz hisslər və Sələmçi darıxmaq” (Hekayə)

AYB, DGTYB və “Gənc Ədiblər Məktəbi”nin üzvü,
Azərbaycan Respublikası Prezidentinin Təqaüd Fondunun təqaüdçüsü

Bu gün işdən tez çıxmışdı… Adətən, işi ən tezi axşamın 7-də bitirdi. Bu gün özü-özünə bir neçə saatlıq istirahət verməyi düşünmüşdü. Saat 4 olmamış artıq Gəncə çayının üstündəki körpüdəydi. Əvvəlcə sürətlə evə çatıb bir az uzanmaq, sonra da acgözlüklə yeni aldığı filmi-“Culiyanın gözləri” dəhşət filmini izləmək niyyətindəydi. Körpüyə çatınca çayın şırıltılı səsi onu addımlarını yavaşıtmağa məcbur etdi. Uzun zamandır bu çayda belə şırıltı olmurdu. Dayanıb körpünün məhəccəri üstündə qollarını çarpazladı… Uzun-uzun üzü aşağı baxdı… Dəmir piyada körpüsündən bir dəstə al-əlvan geyimli uşaqlar keçirdi. Deyəsən, bağça uşaqları idi. “Yəqin, yenə müəllim-tərbiyəçilər onları harasa aparır”-deyə düşündü… Fikrinə onu da gətirdi ki, indi o rəngarəngliyin içində onun da qızı olsaydı… Dodaqlarına incə kinayəli bir təbəssüm qondu…
-Ehhh… Ay Quzey…Quzey… Ömrünü quzeyə çoxdan verdin, bə adam…
Öz-özüylə danışdığı zaman özünə adıyla müraciət etməyi sevirdi… İşlədiyi texnoloji şirkətdə isə sadəcə “Müəllim” çağırılırdı. Çünki, adından heç vaxt xoşlanmamışdı. Uşaqlıqda düşünürdü ki, bu ad ona yaraşmır… Çünki, bu yaşacan hələ heç yerdə öz adına rast gəlməmişdi. Və heç vaxt da onu qürurla “Quzeyim, güneyim” çağıran anasından ona bu adın niyə, necə qoyulmasını soruşmamışdı… (daha&helliip;)

31 Avqust 2015
Ülviyyə VAHİD.Yeni şeirlər

BİLMƏDİM

Gözlərim bir anlıq doldu,süzüldü,
Bu dünyadan əlim yenə üzüldü.
Sözlərim də sətir-sətir düzüldü,
Bu dünyayla mən barışa bilmədim..

Həmrəy oldu mənə yağan yağışlar,
Çəkdi yanaqlara isti naxışlar.
Hər keçən gün,bir gün ona bağışlar,
Bu dünyayla mən barışa bilmədim..

Dürüstlük,kübarlıq deməkki,boşmuş,
Təlxəklik,yaltaqlıq coxuna xoşmuş.
Əyriyə yeri var, düzünə yoxmuş,
Bu dünyayla mən barışa bilmədim.. (daha&helliip;)

31 Avqust 2015
Eldar Nəsibli Sibirel.Həyatı və Yaradıcılığı

Eldar Nəsibli Sibirel – Şair publisist

1952-ci ildə Sibirdə anadan olub. Valideynləri 1948-ci ildə Sibirin Tomsk vilayətinə sürgün edilib.
9 yaşlarından yaradıcılığa başlayıb.
Şairin “Ağacların söhbəti” adlı ilk şeri 1968-ci ildə “Ədəbiyyat və incəsənət” qəzetində işıq üzü görüb. “Salam, dan ulduzu”, “Məni səsləyən var”, “Harayla məni”, “Dünya məndən gəlib, keçir”, “Yaddaş”, Bu da bir ömürdür ağlı-qaralı, “Bura Qazaxdır, oğlum!” Turan Şərqisi şeirlər kitablarının müəllifidir. E.Nəsibli uzun müddət “Elm və həyat” jurnalında məsul katib vəzifəsində çalışıb. “Mərhəmət” jurnalının isə baş redaktoru olub. 1982-ci ildə SSRİ Yazıçılar İttifaqına üzv seçilib.
Sovet postməkanı dövründə E.Nəsiblinin şeirlərinin çapına respublika və ittifaq mətbuatlarında geniş yer ayrılıb. O həm də gözəl tərcüməçidir. Marina Svetayeva, Yevgeni Yevtuşenko, Sergey Yesenin kimi bir çox tanınmış rus şairlərinin, eləcə də görkəmli rumın şairi Mixail Emneskonun şeir və əsərlərini ana dilimizə çevirib. Xalq şairlərindən Bəxtiyar Vahabzadə, Nəbi Xəzri, ədəbiyyatşünas alimlərdən Şamil Cəmşidov, Mirəli Seyidov, Vahid Xələfov, Abbas Səmədov və başqaları E.Nəsiblinin yaradıcılığı haqda respublika, eləcə də ittifaqın qəzet və jurnallarında yüksək fikirlər söyləyiblər.
E.Nəsibli həmişə ürəyinin böyüklüyünə və istedadının gücünə arxalanıb. Bu güc, bu istedad heç vaxt onu zamanın, eləcə də kommunist rejimininin məngənəsində əyə, sındıra bilməyib. Hətta ailələri bir neçə dəfə repressiyanın qurbanı olsalar da.
Şair Eldar Nəsibli Sibirel 11 oktyabr 2010-cu ildə Qazaxda baş verən avtomobil qəzasında həlak olmuşdur.

BU GECƏ 1984

Bu gecə pərvanə işığa gəlməz,
Bu gecə işığım soyuq kimidir,
Bu gecə ürəyim rahatlıq bilməz,
Tufanlar qoynunda qayıq kimidir.
Bu gecə qaranlıq gümanlarımı,
Nurlandıra bilməz ay işığı da.
Bu gecə təsəlli ümanlarımın,
Mənəm böyüyü dəcəl uşağı da.
Bu gecə tüstümü içəri təpən
Küləklər bayırda narahat gəzər.
Şirin xatirəmə göz yaşı səpən
Buludlar bu gecə duzlu dad gəzər.
Bu gecə tale də yazımı bilməz,
Salar bədxahlığın boran, qarına,
Üşüyən ürəyim qızına bilməz,
İlk eşqin ilahi baxışlarına.
Bu gecə qayatək susar harayım
Boğulub bataram bu sukutda mən.
Bu gecə özümü necə arayım
Doğma ünvanda mən, doğma adda mən?
Bu gecə – önümdə qaralan hasar,
İşığa tutaram, hörgüsü uçmaz.
Bu gecə bələdçi yollarım azar,
Sayıq gözlərinin mürgüsü uçmaz.
Bu gecə çəkdiyim qəmlər, əzablar
Baş aça bilmərəm, kimə xoş gələr.
Bu gecə istəyi çətin tapılar.
Əlidolu ilham əliboş gələr.
Bu gecə göylər də sərxoş kimidir,
Bir qədəh ulduzu salar əlindən.
Bircə dan yerinə dönüb ümidim
Məni bu gecənin alar əlindən.

MİN İL GƏZSƏLƏR DƏ…
1975

Vallah, səni bir də sevə bilərəm,
Sənə də sirr olar bu “qəbahətim”
Bütün sərhədləri yarıb gələrəm,
Demə ki, qalmayıb buna taqətim.
Sənin məhəbbətin yağar dünyaya,
Həsrətlər, möhnətlər qırğına düşər.
Günəş pəncərəndən doğar dünyaya,
Hissim də, ruhum da yanğına düşər.
Gecə pəncərənə mələklər qonar,
Qaranlıq ağarar ay işığında.
Heyrətdən göylərdə fələklər donar,
Qolları açılar sarmaşığın da.
Bu qəfil sevincdən buludlar dolar,
Qərib durnalar da köçündən keçər.
Səni evinizə aparan yollar,
Gəlib gözlərimin içindən keçər.
Qovaram dünyadan kədəri, qəmi,
Çəkilər dağlardan dumanlar, sislər.
Elə gizləyərəm sinəmdə səni,
Min il gəzsələr də tapa bilməzlər…

31 Avqust 2015
Arzu RÜSTƏMSOY.”Yenilik”

Əlimin dilini kim anlayar,kim,
Dilimin əlində qalmışam,əsir.
Səndə dodaq dilə olubdur,hakim,
Məndə əksinədir,dodaq dil kəsir…

Dil tökür,əməli min aya dəyər,
Dil lazım dillənən dilə gəlməsin.
Dil vardır,bəhrəsi minaya dəyər.
Dil kəsək,kəlməsi ələ gəlməsin.

Dərdi dil danışar,dil dərdə qonaq,
Dilinin dərdini başa çıxarma.
Dil başa bəladır,baş dilə çanaq,
Dilli ol,başını dil ilə yarma.

Dil uzun,dil gödək,o əl bu ətək,
Dilinin ucunda qurma tamaşa.
Arzunun dilində dil bala pətək,
Haqqdilli dil ilə yaşa ha yaşa!

30 Avqust 2015
Nisə Qədirovanı doğum günü münasibətilə təbrik edirik! (30 avqust 1967-ci il)

Gündəlik İnformasiya Agentliyinin Rəhbərliyi Sizi, Çağdaş Azərbaycan ədəbiyyatının görkəmlia nümayəndəsini, istedadlı qələm sahibini, Azərbycan Yazıçılar və Jurnalistlər Birliklərinin üzvünü, “Qızıl Qələm” Media Mükafatı laureatını, “Möhtəşəm Azərbaycan” müstəqil ictimai-siyasi, ədəbi-bədii qəzetinin redaktorunu, dotanınmış jurnalistini, doğum gününüz münasibətilə səmimi qəlbdən təbrik edir, uzun ömür, möhkəm cansağlığı, xoşbəxtlik, işlərində uğurlar diləyir!

Mətbuat xidməti

İNANMIRAM

Bu dünya fani dünyadı.
Nəğməsinə inanmıram.
Daha uşaq vaxtım deyil
Hiyləsinə inanmıram.

İnanmıram nağılına
Şəkərinə, noğuluna.
Nə qızına, oğuluna
Nə özünə inanmıram.
(daha&helliip;)

30 Avqust 2015
Yalçın YÜCEL.”Biliyordu”

Özgürlüğün kokusunu duyarken içinde
Düşünüyordu
Buğday sarısı saçları
Kocatepe’nin toprağıydı sanki
Gözlerinde akıp giden bir Akdeniz vardı hep
Yüreğine sığmayan sevgisiyle bir de Türkiye
Ve ardında onun gibi inanmış
Onunla düşünen yiğit insanları
Yalnız değildi hiç
Bu yüzden sevinçliydi bir yandan da
Açlıkta olsa
Cephanesiz ve silahsız da
Biliyordu
Her şeyin önünde olan o sevgiyi
Atının üzerine bindiğinde
Dağlar küçülüverdi birden
Ardında nice yiğitleriyle
Bir destan daha düşüreceklerdi toprağa
Yeniden dirilecekti özgürlük
Gülümseyecekti bir çocuk gibi
Duramadı tarih, yekindi yerinden
Kapısında Dumlupınar
Hemen yanında Büyük Taarruz
Buyur etti ikisini de içeri
Türk’ün zafer şarkısıydı sonrası
Özgürlük güldüler hepsi de
Ve Ata’sıyla birlikte
Göğün ellerinden tutarak yürüdüler yeryüzünü

30 Ağustos 2015

30 Avqust 2015
Bəhruz XƏLİL.Yeni şeir

Üşüdüm səhərə qədər,
yastığımın istisinə.
Yumub gözlərimi getdim,
sənsizliyin tüstüsünə.

Sənsizlik də deyəndəki
mən heç sənli olmamışam.
İstər sən ol,istər sənsiz
mən heç qəmli olmamışam.

Mən belə biriyəm tanı,
ruhsuz,ürəksiz adam.
Bir sevgini də qurutdu,
üzü çörəksiz adam.

30 Avqust 2015
Vəfa MÜRSƏLQIZI.Yeni şeirlər

CÜCƏRİR!

Nə əkirəm ürəyimə,
Kədərin tağı cücərir,
Dərdi nə qədər çəksəmdə,
Başı aşağı cücərir!

Ümidləri bəsləməkdən,
Gəlişini istəməkdən,
Yollarını gözləməkdən,
Gözümün ağı cücərir.

Yuxu tapmayan şairin,
Dərdin atmayan şairin,
Gecə yatmayan şairin,
Səhər varağı cücərir, (daha&helliip;)

30 Avqust 2015
Şəhanə CƏFƏROVA.”Gedirəm”

Bağişla sevgilim məni
İncitmək istəmirdim səni
Bizim taleyimiz belə
Mən səni tərk etmək istəmirdim.
Çox yoruldum
Bağişla məni gedirəm.
Zamanla düzələcək həyatimiz.
Bəlkədə başqalarindadi xoşbəxtliyimiz
Bəlkədə çox gözəl olacaq gələcəyimiz.
Bağişla məni sevgilim gedirəm.
Ziyan etməyək gəncliyimizi
Gəl bağişlayaq taleyimizi.
Başqa heçnə demə sevirəm demə.
İcaze ver çixim gedim.
Qoy həyatina başqalari gəlsin.
Sənində üzün gülsün.
Bağişla sevgilim gedirəm.
Saxlamağa çalişma.
Mənim getməyimə qarişma.
Bağişla deyirəm başqa heçnə demirəm.
Bağişla sevgilim bizim sevgimiz buraya qədərmiş.
Gedirəm dönməyəcəm.
Birdə sənin həyatina gəlməyəcəm.
Bu sevgiyə görə arzularimdan əl çəkməyəcəm.
Bağişla məni sevgilim gedirəm.

30 Avqust 2015
Əlirza HƏSRƏT.Yeni şeirlər

Şirvan

İllərlə dərd elədim səndən uzaqlığımı,
Sevib bayraq tutarsan bəlkə üz ağlığımı.
Qaytar səndə qoyduğum yetim uşaqlığımı,-
Ruhumun qibləgahı,canımın canı Şirvan.

Hər gün yuxularımda Vətən səndən danışdı,
Qərib ömrü sürməyim,hüzündü,aldanışdı.
Öpdüyüm torpağının ətri mənə tanışdı,
Arzumun,istəyimin sökülən danı,Şirvan.

O neft buruqlarınla yaraşır pərvaz sənə,
Hüsnünə ayna tutub Kür eləyir naz sənə.
Durub qucaqlamağa qollarım çatmaz sənə,
Gözəlliyin,gözəlin şöhrəti,şanı,Şirvan. (daha&helliip;)

30 Avqust 2015
30 Ağustos Zafer Bayramımız kutlu olsun

Azerbaycanın Kültür ve Edebiyat Portalının Türkiye temssilcisi

Birinci Dünya Savaşından sonra Osmanlı Devleti ile İtilaf Devletleri arasında imzalanan Mondros Mütarekesi ve Sevr Antlaşmasıyla yurdumuz tamamen elimizden alınıp düşmanlarımıza verilerek bizim de bunu kabul etmemiz beklenmiştir. Böylece yüzyıllardır üzerinde bağımsız olarak yaşadığımız bu topraklarda özgür olarak yaşama hakkımıza son vermek amacıyla bu antlaşmaların uygulanması sonucunda ülkenin her yerinde işgaller başlamıştır.

Türk milletinin bu durumu kabul etmesi elbette mümkün değildir. İtilaf devletlerinin işgalleri sonucunda İstanbul’da bir şey yapamayacağını anlayan Mustafa Kemal Paşa’nın 19 Mayıs 1919’da Samsun’a çıkmasıyla Kurtuluş Savaşının ilk adımı atılmıştır.

12 Haziran 1919’da Amasya’ya geçen Mustafa Kemal ve arkadaşları Hüseyin Rauf Orbay, Refet Bele ve Fuat Cebesoy birlikte Amasya Genelgesini hazırlamışlardır. Bildiri, Erzurum’da 15. Kolordu Komutanı Kazım Karabekir’e sunuldu. Onun da onayının alınmasından sonra bu bildiri, 22 Haziran 1919’da Abdurrahman Rahmi Efendi tarafından tüm mülki amir ve askeri komutanlara telgrafla ulaştırılmıştır. Ulusal egemenliğe dayanan, tam bağımsız Türkiye Cumhuriyetinin temellerini oluşturan ilk kuruluş belgesi olması nedeniyle de Amasya Genelgesinin Türk tarihinde ayrı bir yeri ve önemi vardır.
(daha&helliip;)

30 Avqust 2015
Mirzə TƏRXAN.”Bico nağılı”

-Can nənə bir nağıl de!

− Biri vardı, biri yox,
Biraz az və biraz çox.
Bir dəniz sahilində,
Bir balıqçı əlində,
Tilovla hey gəzirdi,

− Eeeh, nənə, bu nağılın,
Axı məni bezdirdi!
Bilmirsən təzə nağıl?!

− Yaxşı, ay şəkər, noğul,
Sənə keçmişdən indi,
Nənən nağıl danışsın.
Həm də qoy saf düşüncən,
Tarixə, həqiqətə,
Olmuşlara, alışsın. (daha&helliip;)

30 Avqust 2015
Mirzə TƏRXAN.”Ümidini üzməyənlər” (Hekayə)

Əli Arifin dayısı oğludur. Onlar birlikdə olduqca çox vaxt keçiriblər. Uşaqlıqları bir ocağın başında, bir gün Əligildə bir gün Arifgildə keçib. Onlarla yanaşı Əlinin Sakit adlı bir xalası oğlu da var idi. Sakit də həmçinin Əli ilə Arifin mehriban dostu idi. Gün gəlir vədə yetişir,gözlərini bir açıb yumurlar ki, valideynləri tərəfindən evlənmək vaxtının gəldiyini eşidirlər.Öncə Sakit ondan bir neçə il sonra isə Arif ilə Əli ailə qurur. İllər keçir… Həkimlər Sakitin övladının yalnız Allahın möcüzəsi ilə olacağını bildirirlər. Bu arada artıq Arifin və Əlinin övladları olacağına günlər qalmışdı. Sakit hər zaman halına şükr edən biri idi. Arif və Əli isə heç nəyi fikirləşməyən birisi idi. Hər şeyin yolunda getdiyi bir anda Arifin həyat yoldaşını xəstəxanaya aparmalı olurlar. Uzun sürən əməliyyatdan sonra bəlli olur ki, uşaq ana bətnində möcüzəvi şəkildə tələf olub. Hadisədən məyus olan Arif özünü çox pis hiss edir. Bu zaman Sakit və Əli onun yanına gəlir və ona təsəlli verməyə çalışırlar. Yenə də Sakit Arifə Allaha sığınmağı,Ona tapınmağı tövsiyyə edir. Arif Sakiti dinləyir və bir anda düşünür ki, kaş ki, bu məyusluğumu Sakitə bildirməyəydim. Axı həkimlər onun övladının olmayacağını deyiblər. Tez çöhrəsindəki məyusluğu təbəssümlə əvəz edir və Sakitə hər şeyin öz qaydasında olduğunu bildirir. Bu an Əlinin qəlibi çox narahat idi. Axı O,hələ başına nələrin gələcəyini bilmirdi.Onun da övladının dünyaya gəlməsinə günlər qalmışdı.Arifin övladının tələf olması onu da qorxudurdu. Ariflə Sakitin söhbətinə müdaxilə edərək:
(daha&helliip;)

30 Avqust 2015
Azad olmaq düşüncəsiz olmaq demək deyil…

İnsanlar həyatlarının hər anında azad və rahat olmaq istəyirlər. Heç bir nizam-intizama, məcburiyyətə və ya məhdudiyyətə tabe olmadan istədiyi zaman istədiyi şeyi etmək istəyirlər. Ürəyi istəyəndə yatmaq, ürəyi istəyəndə durmaq, istəyəndə işlərini görüb, istəməyəndə təxirə salmaq, danışmaq istəməyəndə danışmamaq, düşünmək istəməyəndə düşünməmək, iradə göstərmək istəməyəndə göstərməmək və s. bunun kimi mövzularda istədiyi hərəkəti edə bilmək…

Halbuki azadlıq da müəyyən məhdudiyyətlər daxilində gözəldir. Azadlıq düşüncəsiz, məsuliyyətsiz, laqeyd olmaq demək deyil. Eyni zamanda, birlikdə yaşadığı insanlar üçün fədakarlıq etməsi, başqalarını düşünərək hərəkət etməsi, üstünlüyü ehtiyac olan mövzulara verməsi bu insanın azadlığının məhdudlaşdırılması demək deyil. İnsanın gözəl əxlaq göstərməsi onu məhdudlaşdıran deyil, onu gözəlləşdirən, ucaldan xüsusiyyətdir.

Yanında biri yatarkən: “Azadlığımı məhdudlaşdıra bilmərəm, əsas mənim istəyimdir, mənim rahatlığımdır”, – deyərək, qışqırıb-bağıraraq danışan, musiqinin, ya da televizorun səsini sonuna qədər açan birini düşünün. Ya da aşağı mərtəbədəki qonşularını heç düşünmədən gecə yarısında evdə səs-küy salan bəzilərini…

Heç kim bu cür düşüncəsiz insanlarla söhbət etmək, onların ətrafındakılara verdiyi narahatlıqlarla qarşılaşmaq istəməz. İnsanlardakı bu davranış pozuntusunu aradan qaldırmağın bir yolu var, o da Quran əxlaqına tabe olmaqdır. Quran həm insanlara axtardıqları azadlığı mükəmməl şəkildə yaşadır, həm də bu azadlıq heç kimi narahat etmir. Bu səbəbdən, mömin Allahın təyin etdiyi əxlaq sərhədləri daxilində azad yaşaya bilmə rahatlığına malikdir.

Müsəlman olmaq vicdanlı olmaq deməkdir. İradəli olmaq, ağıllı olmaq, nəfsi məcbur etmək, nəfsə qalib gəlmək deməkdir. Mömin dünyanın ən azad, ən rahat insanı olar, həyatı boyu, yaşadığı hər an seçimlərini vicdanına görə təyin edər. Ürəyi istəyəndə yatıb, ürəyi istəyəndə yemək yeyib, ürəyi istəyəndə istirahət edib, ürəyi istəyəndə işləmək kimi bir əxlaq tərzi yoxdur. Məqsədi Allahın razılığının ən çoxunu qazanmaqdır. Hər an ağlı və vicdanı ilə ətrafında olan hadisələri dəyərləndirər və ən xeyirli, ən hikmətli, ən faydalı və ən vacib mövzuya yönələr.

Bu səbəbdən, lazım olsa, başqasının ehtiyacını özününkündən üstün tutmaqla bəlkə öz azadlığından məhrum olar, amma insanı xoşbəxt edən azadlıq forması da məhz budur. Yoxsa başqasını narahat etdiyini bilərək, öz istəklərini əldə etdiyi zaman xoşbəxt ola bilməz. Ancaq vicdanına uyğun hərəkət etsə, həqiqətən, azad olar və ancaq bu onu xoşbəxt edər.

Çünki azadlıq, zənn edildiyi kimi, insanın yalnız fiziki olaraq azad olması demək deyil. Əsas mənəvi mənada azad olmaqdır. Əsl azadlıq Allahın insanın ruhuna və ürəyinə hiss etdirdiyi genişlik, rahatlıq, güvən və dinclik duyğularının hamısıdır. Bu da insanın imanı, təqvası, təvəkkülü və təslimiyyəti ilə birbaşa əlaqəlidir.

Bu səbəbdən, əsl azadlıq və xoşbəxtlik insanın nə istəsə, onu etməsində deyil, Allahın razılığına uyğun olan əxlaqı yaşamasındadır. Bu əxlaqın qazandıracağı mənəvi azadlıq insanın düşünmədən yaşadığı sərhədsiz fiziki azadlıq ilə əsla müqayisə edilməyəcək dərəcədə böyükdür. Allah bu neməti yalnız möminlərə lütf etmişdir.

Allah Quranda əsl xoşbəxtliyin yolunu belə bildirmişdir:

… Bilin ki, qəlblər ancaq Allahı zikr etməklə rahatlıq tapır. (Rəd surəsi, 28)

29 Avqust 2015
Azərbaycanlı olmaq nə deməkdir? II Hissə

1. Avtobusa dayanacaqdan kənarda saxladıb düşmək, minmək, dayanacaqdan kənarda saxlamayan sürücüləri borclu çıxartmaq və narazılığını bildirməkdir;
2. Bakirəlik tələbinə görə min oyundan çıxmaq, bakirəliyini qorumaq, ərə getmək və ya ərə getməmişdən öncə cərrahiyyə əməliyyatı vasitəsilə özünü bakirə etməkdir və gələcək ailə üzvlərini aldatmaqdır;
3. Yasda ağlamaq istəməsən də, özünü ağlamağa məcbur etməkdir, iki damcı axıdıb, gözünü qızartmaq, şişirtməkdir, sonra salfetka ilə o iki damcını yanağından silməkdir və tanımadığın yasına gedib, salavat çevirmək, Allahdan rəhmət diləməkdir;
4. Toyda gələn gedəni müzakirə etməkdir, toyda özünə xanım, gəlin, ər, sevgili axtarışına çıxmaqdır;
5. İnsanlara geyiminə görə qiymət verib, qarşılayıb insanları, geyiminə görə də yola salmaqdır;
6. Dənizkənarı çimərliyə qaralmaq, dənizdə çimmək, dincəlmək əvəzinə selfi çəkmək, “qız tutmaq” üçün getməkdir;
7. Sosial şəbəkədə offline olan və tanımadığın insanlara yazıb, bezdirməkdir, cavab yazmayanı ittiham etməkdir;
8. Saatlarla sosial şəbəkədə, mobil telefondan asılı olmaq və bütün mövzuları müzakirə etmək və real görüşdən qaçmaqdır ki, kimsə nəsə pis gözlə baxa bilər, pis düşünüb, pis söz deyə bilər;
9. İsterik xarakterdə olub, gah aldadan olmaq, gah aldadılan olmaq, özünü gah qurban saymaq, gah qurban axtarmaq deməkdir;
10. Bahalı restoran, kafedə, bərli-bəzəkli parklarda, nüfuzlu tədbirə gedib, öz nüfuzunu göstərmək üçün dərhal şəkil çəkib, paylaşmaq və yaymaqdır;
11. Yeyə biləcəyindən çox yemək bişirmək, yemək və sonra da kökəldiyini bəhanə edib, arıqlamaq eşqinə düşmək və pəhriz saxlamaqdır;
12. Bilmədiyini alıb, istifadə edib, zəhərlənməkdir;
13. Həkimdən əldə etdiyi bütün dərmanları istifadə qaydalarına, istifadə edilməsi üçün son tarixə baxmadan qəbul etmək, sonra əks təsir, zəhərlənmə, digər xəstəliklərdən həkimə və hər kəsə şikayətlənməkdir;
14. Futbola və ya hansısa idman yarışına, oyununa gedən qıza, qadına “Qadın hara, idman hara, azarkeşlik etmək hara?!Otur evdə, bozbaşını bişir!” deməklə, o xanımı gözdən salmaq və ictimai qınaq obyektinə çevirməyə çalışmaqdır;
15. Qadının məntiqi və ağlı yoxdur deməklə, sonra onların olmayan məntiq və ağlının qurbanına çevrilməkdir;
16. Görüşdüyün dostunun yanında, dostunu gözlədib, saatlarla telefonla danışmaq, whatsapp, facebook, viber messengerdə başqa dostlarınla yazışmaqdır;
17. Cola və digər içkilərin, bıstroffun səhhətə, sağlamlığa ziyan vurmasını və bahalı ziyan vurmasını bilə-bilə, onların istifadəçi olmaqdır.
18. İşdən sonra, hava bir az qaralanda, xüsusən də saat 21-00dan sonra küçədə, parkda, ictimai yerlərdə zahirən bir az babat qız görən kimi, onun dalınca düşmək, ona sataşmaq və söz atmaq və nömrəni söyləməkdir, “sən dedin, mən də yanında götürüb yazdım telefona, getdim polis bölməsinə, polislər zəng etsin sənə, bassınlar 24 saatlığa kameraya, ictimai asayişi və istirahət hüququnu pozduğuna görə” bu variant səni qane edərmi?

Günel Fərhadqızı Emin

29 Avqust 2015
Təhminə MƏMMƏDOVA.”Fərid ilə Mübariz”

Yazıçı-jurnalist
Subaylığın son gecəsi kitabının müəllifi

Yağı düşmən üstünə,
Aslan kimi getdilər
Öz şirin canlarını
Yurda qurban etdilər
Fərid ilə Mübariz

Yer də göy də onlara
Ağladı için-için
Canlarından keçdilər
Vətən üçün,el üçün
Fərid ilə Mübariz

Axşam qüruba gedən
Günəş kimi söndülər
Bağrı qana boyanmış
Qərənfilə döndülər
Fərid ilə Mübariz

Dəyanətlə,vüqarla
Od-alovdan keçdilər
Qarışıb sonsuzluğa
Ürəklərə köçdülər
Fərid ilə Mübariz

29 Avqust 2015
Rauf Valiyevi doğum günü münasibətilə təbrik edirik! (29 avqust 1991-ci il)

29 Avqust 2015
Hikmət MƏLİKZADƏ.”Zədə” romanından bir parça

Azərbaycan Respublikasının Prezident Təqaüd Fondunun təqaüdçüsü,
Azərbaycan Yazıçılar və Jurnalistlər Birliyinin üzvü

Nuraydan savayı ailədə hamı Sevinclə Sənanın dostluğuna qarşı idi. Buna görə dünəndən evdə səs-küy qopmuşdu. Rəngi solmuş bəstəboy divarlar evdəki qarışıq və mənasız qıy-qışqırıqdan yazıq görkəm almışdı. Sevinc də ona edilən təzyiqlərdən cana doymuşdu. Amma kimsə bunun fərqində deyildi.
Nadir kişi qızının hələ də uşaq ağlında olduğunu zənn edirdi. Son illər çöldə-bayırda qarşılaşdığı xoşagəlməz hallar onu doğma qızı barədə yanlış düşünməyə məcbur edirdi…
Ailənin yarıtmaz üzvü, Sevincin qutuda ilan kimi gördüyü qardaşı Yusif də bacısının dost olmaq arzusunu heç cür həzm edə bilmirdi. O, bu gün də lovğa görkəmi ilə səs-küyə səbəb olmuşdu. Qəzəbli idi. Həm də içində gizildəyən çürük niyyətini həyata keçirmək üçün yaxşı bir plan da hazırlamışdı. Xeyli vaxtdan sonra özünü elə apardı ki, guya ürəyinə Allah xofu çöküb. Köhnə xalça-palaz döşənmiş darısqal otaqda xeyli var-gəl etdikdən sonra dedi:
– Sənanla dostluq etməyinə bir şərtlə razıyam: onun həqiqətən idmançı olduğuna əmin olmalıyam. Yalnız bundan sonra aranızdan çəkilərəm. (daha&helliip;)

28 Avqust 2015
Mayisə ƏSƏDULLAQIZI.”Ulu yurd, Ulu torpaq”

Azərbaycan Yazıçılar və Jurnalistlər Birliklərinin üzvü,
“İctimaiyyət və təhsil” qəzetinin təsisçisi və baş redaktoru

Torpaq,yurd, ana, Vətən kəlməsi nə qədər hikmətli və mənalı kəlmələr nə qədər müqəddəsdir! Deyilişi şirin olduğu kimi,məzmunu,qayəsi də yüksək və hikmətlidir.

Biz Vətəni dedikdə anamızı düşünürük. Çünki vətən də bizə anamız qədər doğma,anamız qədər əzizdir.Ana müqəddəsliyi vətən müqəddəsliyi,vətən ucalığıdır.

Vətəni qorumaq kimliyimizdən, cinsimizdən asılı olmayaraq hamımızın borcudur .
Vətəni mühafizə etmək üçün sağlam əqidəli, qətiyyətli vətəndaşlara ehtiyac vardır.
Vətən istəyi, vətən namusu, vətən qeyrəti vətəndaşlara xas olan qabarıq keyfiyyətlərdən biri olmalıdı. Vətən sevgisinin mənbəyi, ümumiyyətlə torpağa olan bağlılıq və hörmətdir ki, bu nemət Uca Allah və Peyğəmbərimiz (c.c) tərəfindən bizə əmanət edilmişdir. Bu vətəni, bu torpağı bizə ata-babalarımız necə əmanət qoyublarsa, biz də bizdən sonrakı nəsillərə bu yurdu, bu eli sağlam bir şəkildə təhvil verməliyik.
Muhəmməd (s.ə.s) buyurmuşdur: “Vətəni sevmək imandandır”. Belə ki, öz Yaradanını, niyə yaradıldığını, özünü, kimliyini anlayan insanda vətəninə qarşı sevgi mütləq yüksək səviyyədə olacaqdır. Əks halda bu torpaqda yaşamağımız, faydalanmağımız bizim vicdanlı yaşayışımıza zidd hala gətirib çıxaracaqdır. Yadıma uzun illər bundan əvvəl yazdığım “Azərbaycan uğrunda” şeirimdən bir neçə bənd düşdü: (daha&helliip;)

28 Avqust 2015
Yalçın YÜCEL.”ÖĞRETMEN OLMAK”

Seninle tanıdım ışığın beyazını
Karanlığı seninle öteledim
İlk kez sen açtın düşüncemin kapısını
Onunla konuştun, özleştin
Tuttun elinden çekingenliğimin
Ezikliğime dokundun sevgice
Yeşerttin bakışlarımı yaşam tarlasında
Suladın, çapaladın
Alın terinle ıslattın
Yılmadın tüm bunlardan da
Ellerim oldun

Ayaklarımsa yorgunsuzdu seninle
Birlikte yürüdük
Çağdaşça ışıklandırdık
Her geçtiğimiz yerde bütünleştik
Arttıkça arttı sayımız
Yeryüzü yetmez oldu güneşimize
Mühendis olduk, doktor olduk
Her şey olduk da
Sen olamadık öğretmenim.

28 Avqust 2015